Paśla publikacyi Radyjo Svaboda pra pačatak hramadzkaha zboru srodkaŭ na pomniki baćkam i siastry Vasila Bykava, inicyjataru kampanii Hlebu Łabadzienku patelefanavali z prapanovaj vyrabić ich i ŭstalavać absalutna biaspłatna.
«Adhuknulisia novyja ludzi, prapanoŭvali achviaravańni. Adzin čałaviek patelefanavaŭ i skazaŭ, što jon zajmajecca prodažam štučnych hazonaŭ, jakija ciapier vielmi modnyja. I jon hatovy achviaravać hetych hazonaŭ stolki, kolki treba. A siońnia patelefanavali z Zasłaŭja Andrej i Ivan Bakinoŭskija. U ich tam bujnaja firma «Hranitny śviet», jakaja z 1991 hodu zajmajecca vytvorčaściu pomnikaŭ. Jany skazali, što achviarujuć try hranitnyja pomniki dla Bykavych», — raspavioŭ žurnalist.
Ivan Bakinoŭski prapanavaŭ Hlebu Łabadzienku vybrać pomniki z 700 prapanoŭ, jakija majucca ŭ katalohu jahonaj firmy. Navat ustalavańnie pomnikaŭ firma «Hranitny śviet» voźmie na siabie.
«Ale ŭžo sabranaja peŭnaja suma — 150 dalaraŭ, — kaža Łabadzienka. — Ja ŭ lubym vypadku jaje pieradam, kab choć niejak kampensavać ich pracu, davoz pomnikaŭ. Novyja hrošy ja bolš źbirać nia budu. Ščyra dziakuju ŭsim, chto achviaravaŭ hrošy. Ja mocna ŭražany, i dziakavaŭ spadaru Bakinoŭskamu pa telefonie. U naš čas nia kožny z chodu adhukniecca i takoje prapanuje».
U aŭtorak Hleb Łabadzienka raspavioŭ, što pomniki baćkam Vasila Bykava ŭ Byčkach razvalvajucca ad staraści. U lipieni spoŭnicca roŭna hod ad śmierci siastry Vasila Bykava Valanciny Ŭładzimiraŭny. Łabadzienka planuje, što da kanca leta ŭsie try pomniki buduć ustalavanyja na mohiłkach u Byčkach.
Prajekciroŭščyki pakazali, jak budzie vyhladać płošča Banhałor u Minsku. Im skazali padumać lepš8
Prajekciroŭščyki pakazali, jak budzie vyhladać płošča Banhałor u Minsku. Im skazali padumać lepš
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1616
Kamientary