Hety tydzień budzie chałodnym: siaredniaja tempieratura pavietra čakajecca na 3—7 hradusaŭ nižej za normu, taki tempieraturny režym charakterny dla siaredziny sakavika. Pra heta TUT.BY raspavioŭ načalnik słužby mietearałahičnych prahnozaŭ Respublikanskaha centra pa hidramietearałohii Dźmitryj Rabaŭ.
Bolšuju častku tydnia ŭmovy nadvorja na terytoryi Biełarusi budzie vyznačać vobłaść pavyšanaha atmaśfiernaha cisku, sfarmiravanaja ŭ chałodnaj pavietranaj masie.
18 krasavika, u aŭtorak, pieravažna biez apadkaŭ. Nočču i ranicaj na asobnych učastkach daroh hałalodzica. Tempieratura nočču -1 …- 7°S, pa paŭnočnym uschodzie -8 …- 10°S; dniom +3 … + 8°S, u paŭdniovych rajonach da + 10°S.
19 krasavika, u sieradu, pieravažna biez apadkaŭ. Tempieratura nočču 0 …- 7°S, pa paŭnočnym uschodzie da -9°S; dniom +3 … + 8°S.
U čaćvier, 20 krasavika, biez apadkaŭ. Tempieratura nočču -2 …-9°S, pa poŭnačy ŭ asobnych rajonach da -11°S; dniom +3 … + 8, pa zachadzie da + 10°S.
21 krasavika, u piatnicu, nočču biez apadkaŭ, a ranicaj na paŭnočna zachodnija rajony krainy padydzie atmaśfierny front, dzie i čakajucca karotkačasovyja apadki, u asnoŭnym doždž. Nočču i ranicaj słaby tuman.
Tempieratura nočču -1 …- 8°S, pa ŭschodzie pry prajaśnieńniach da -10°S; dniom +4 … + 10°S, pa poŭdni da + 12°S.
U bližejšyja vychodnyja nadvorje buduć farmavać atmaśfiernyja franty cykłona nad Skandynavijaj. Čakajecca pachmurnaje z apadkami nadvorje. Načnyja tempieratury trochi pavysiacca, a dzionnyja zastanucca ŭ tych ža miežach.
U subotu, 22 krasavika, na bolšaj častcy terytoryi Biełarusi karotkačasovyja apadki, u asnoŭnym doždž. Nočču i ranicaj słaby tuman. Tempieratura nočču 0 … + 6°S, dniom +4 … + 11°S.
23 krasavika, u niadzielu, na bolšaj častcy terytoryi krainy karotkačasovyja apadki (doždž, nočču z mokrym śnieham). Nočču i ranicaj słaby tuman. Tempieratura nočču -2.. + 4°S, dniom +4 … + 11°S.
Zhodna z papiarednim prahnozam, bolš ciopłaje nadvorje prahnazujecca ŭ apošniaj piacidzioncy krasavika.
Kamientary