Členy polskaj kamisii pryjšli da vysnovy, što pryčynaj krušeńnia Tu-154, na borcie jakoha znachodziŭsia prezident krainy Lech Kačyński, byŭ vybuch. Hetaja viersiju nieadnarazova vyłučaŭ ministr abarony Polščy Antoni Maciarevič.
Polskaja kamisija, jakaja rasśleduje akaličnaści krušeńnia Tu-154 prezidenta krainy Lecha Kačyńskaha, pryjšła da vysnovy, što pierad padzieńniem u korpusie samalota adbyŭsia vybuch. Vysnovy apublikavany ŭ vydańni Dziennik.
«U vyniku praviedzienych ekśpierymientaŭ my možam skazać, što najbolš imaviernaj pryčynaj vybuchu byŭ termabaryčny zarad, jaki spravakavaŭ mocnuju ŭdarnuju chvalu», - ličać polskija ekśpierty.
Kali mierkavać pa vynikach rasśledavańnia, roskid askiepkaŭ charakterny dla avijakatastrof, jakija adbyvajucca jak z-za sutyknieńnia łajniera ź ziamloj, tak i z-za vybuchu ŭ pavietry.
***
Prezidencki samalot Tu-154 raźbiŭsia pry pasadcy na aeradrom Smalensk-Paŭnočny 10 krasavika 2010 hoda. Na borcie znachodzilisia 96 čałaviek, u tym liku były polski prezident Lech Kačyński z žonkaj, pradstaŭniki vyšejšaha vajennaha kamandavańnia Polščy, deputaty siejma, členy ŭrada, a taksama hramadskija i relihijnyja dziejačy.
Na praciahu siami hadoŭ paśla krušeńnia samalota ministr abarony Polščy Antoni Maciarevič zajaŭlaŭ, što prezidencki łajnier vybuchnuŭ u pavietry, a nie razburyŭsia pry sutyknieńni ź ziamloj. Trahiedyju jon nazyvaŭ «aktam teraryzmu».
Nacyjanalny kamitet pa rasśledavańni avijacyjnych zdareńniaŭ u 2011 hodzie, naadvarot, pradstaviŭ dakład, u jakim havaryłasia, što vybuchu na borcie samalota nie było. Pa dadzienych kamiteta, avaryja adbyłasia z-za spusku Tu-154 nižej dazvolenaj minimalnaj vyšyni, u vyniku čaho jon urezaŭsia ŭ dreva i ŭpaŭ.
«A što ŭ vas za prablemy? Daloka da Minska ci niama kamu padvieźci?» Publičnaja pikiroŭka Łukašenki i Pašyniana13
Kamientary