Rasijskaha kamientatara Vasila Utkina znoŭ «bambanuła» na temu Biełarusi
Novy hałoŭny trenier maskoŭskaha CSKA Viktar Hančarenka źviarnuŭsia da žurnalistaŭ i zaŭziataraŭ z prośbaj pisać jahonaje proźvišča na rasijski manier jak u pašparcie: «Hančarienko», a nie «Hončarienko».
Hančarenka — biełaruski trenier, jaki ŭžo niekalki hadoŭ pracuje ŭ Rasii. Jon uznačalvaŭ BATE, «Kubań», «Urał», «Ufu». Litaralna ŭčora jon staŭ nastaŭnikam adnaho z najpapularniejšych kłubaŭ Rasii.
Na prośbu Hančarenki imhnienna adreahavaŭ rasijski kamientatar Vasil Utkin. Jon pierajmienavaŭ tvitar u «Vosilij Utkin». «Cikava, pa čyjoj prośbie varta łamać rodnuju movu, kali pačać słuchacca futbolnaha treniera?» — zadajecca pytańniem ekśpiert.
Intieriesno, po čjej prośbie imiejet smysł łomať rodnoj jazyk, jeśli načať słušaťsia v etom voprosie trieniera futbolnoj komandy?) https://t.co/LBn1QV2xt7
«O da: Hančarienko — trienier kaniej! — paźniej adreahavaŭ Utkin. — Viktar Hančarenka papiaredziŭ, što budzie nazyvać prezidenta kłuba Jaŭchienijem».
O da: Hančarienko - trienier kaniej!
Viktor Hančarienko priedupriedił, čto budiet nazyvať priezidienta kłuba Jauchienijem.
«Vasilij Utkin pa-biełarusku budzie Vasil Kačkin», — zyranizavali čytačy tvitara.
Heta nie pieršy vypadak, kali Utkin idzie ŭ pałkija dyskusii ź biełarusami. U 2011 hodzie jon napisaŭ, što Hančarenka pavinien hareć u piekle, kali trenier BATE na hulniu z «Barsiełonaj» vypuściŭ niekalki dubloraŭ. Paźniej Utkin pamiryŭsia z Hančarenkam. Adnak praciahnuŭ pierapałku ź biełarusami, naprykład, nazvaŭ biełarusaŭ «končanymi pravincyjałami», a krainu «Lesarubijaj».
Kamientary