Premiju Angelus za 2016 hod atrymaŭ rumynski piśmieńnik armianskaha pachodžańnia Varužan Vashańjan
Žury Litaraturnaj premii Siaredniaj Eŭropy Angelus abviaściła novaha laŭreata. Im staŭ rumynski piśmieńnik armianskaha pachodžańnia Varužan Vashańjan.
Imia pieramožcy było ahučana 15 kastryčnika padčas tradycyjnaj štohadovaj uračystaści ŭ muzyčnym teatry «Capitol» va Ŭrocłavie.
Na premiju sioleta pretendavali siem knih:
♦ Maciej Chen, «Solfatara»
♦ Anna Janka (Polšča) — «Małoje vyniščeńnie»
♦ Uładzimier Niaklajeŭ (Biełaruś) — «Aŭtamat z haziroŭkaj ź siropam i biez»
♦ Kryścina Sabalaŭskajcie (Litva) — «Silva rerum»
♦ Alvidas Šlapikas (Litva) — «Mianie zavuć Marycie»
♦ Krystyjan Teadaresku (Rumynija) — «Medžydyja, horad la miažy»
♦ Varužan Vashańjan (Rumynija) — «Kniha šeptaŭ»
Litaraturnaja premija Centralnaj Eŭropy Angelus prysudžajecca za najlepšuju knihu z tych, što vyjšli pa-polsku ŭ papiaredni hod. Vydaŭcy mohuć vyłučać na jaje žyvych aŭtaraŭ z 21 krainy Centralnaj Eŭropy. Premiju składaje hrašovaja ŭznaharoda — 150 tysiač złotych (38,7 tys. dalaraŭ ZŠA) i statuetka aŭtarstva Evy Rasana.
Premija Angelus prysudžajecca z 2006 hodu. Jaje laŭreatami siarod inšych byliJury Andruchovič, Śviatłana Aleksijevič, Milenka Jerhavič, Aksana Zabužka,Siarhiej Žadan.
Sioleta ŭžo treci hod paralelna z premijaj Angelus šlacham internet-hałasavańnia siarod udzielnikaŭ šort-lista vyznačajecca laŭreat premii imia Natalli Harbanieŭskaj. Sioleta pieramožcam staŭ Varužan Vashańjan.
«A što ŭ vas za prablemy? Daloka da Minska ci niama kamu padvieźci?» Publičnaja pikiroŭka Łukašenki i Pašyniana13
Kamientary