Desantniki kastramskoha parašutna-desantnaha pałka padčas sumiesnych dvuchbakovych taktyčnych vučeńniaŭ padraździaleńniaŭ Pavietrana-desantnych vojskaŭ (PDV) Rasii i sił śpiecyjalnych apieracyj Uzbrojenych sił Respubliki Biełaruś prademanstrujuć mahčymaści rasijskaj bajavoj ekipiroŭki «Ratnik», paviedamiŭ u niadzielu departamient infarmacyi i masavych kamunikacyj Minabarony Rasii.
«Desantniki kastramskoha parašutna-desantnaha pałka ŭ poŭnaj miery zmohuć prademanstravać pieravahi rasijskaj bajavoj ekipiroŭki «Ratnik» padčas praviadzieńnia sumiesnych dvuchbakovych taktyčnych vučeńniaŭ padraździaleńniaŭ PDV Rasii i sił śpiecyjalnych apieracyj Respubliki Biełaruś», — havorycca ŭ paviedamleńni.
Pa dadzienych Minabarony, pieršyja kamplekty «Ratnika» pačali pastupać u połk u kancy 2015 hoda, i ciapier usie bajavyja padraździaleńni častki całkam ukamplektavanyja hetaj bajavoj ekipiroŭkaj.
Ciaham 2016 hoda desantniki-kastromičy dvojčy vyprabavali mahčymaści «Ratnika» na spravie: pieršy — padčas praviadzieńnia pakaznych bataljonnych taktyčnych vučeńniaŭ u Piečanhie, druhi — mižnarodnych ŭ Kirhizii.
Kamplekt bajavoj ekipiroŭki «Ratnik» pryznačany dla zabieśpiačeńnia abarony i mabilnaści vajskoŭca pry vykanańni bajavych zadač. U jaho skład uvachodzić dziesiać roznych padsistem i 59 pradmietaŭ. Jon zabiaśpiečvaje «šmatfaktarnuju abaronu» vajskoŭca i pa šerahu paramietraŭ pieraŭzychodzić zamiežnyja anałahi, što było paćvierdžana padčas šmatrazovych vyprabavańniaŭ hetaj ekipiroŭki.
Łatuška: Ryžankoŭ maryć stać prezidentam Biełarusi i nienavidzić Łukašenku. Jon nie projdzie detektar chłuśni6
Kamientary