Majomaść śpiavački Adel składaje 85 młn funtaŭ. Jana źjaŭlajecca samaj zabiaśpiečanaj žančynaj-muzykam u Vialikabrytanii, pavodle rejtynhu samych bahatych ludziej krainy pa viersii Sunday Times.
U śpisie śpievakoŭ-miljanieraŭ Adel zaniała 30-je miesca z 50: za apošni hod jaje majomaść pavialičyłasia na 35 młn funtaŭ.
Adzinaja žančyna-muzyka, jakaja zarabiła bolš za Adel, — irłandka Enija z 91 młn funtaŭ.
Adel taksama ŭznačalvaje śpis samych bahatych maładych muzykaŭ (va ŭzroście da 30 hadoŭ).
Śpiavačcy ciapier 27 hadoŭ, jaje debiutny albom, vypuščany 28 studzienia 2008 hoda, užo praz tydzień paśla vychadu ŭznačaliŭ UK Albums Chart, a paśla atrymaŭ «płacinavy» status (heta značyć razyšoŭsia nakładam zvyš za 300 tysiač asobnikaŭ) i byŭ naminavany na Mercury Prize 2008 hoda.
Na siońniašni momant u Adel bolš za sto roznych uznaharod, uklučajučy orden Brytanskaj impieryi. Taksama śpiavačka zaniesienaja ŭ Knihu rekordaŭ Hinesa.
10 samych bahatych muzykaŭ/hurtoŭ
- Ser Poł Makartni i Nensi Ševieł — 760 młn funtaŭ
- Ser Endru Łojd-Uebier — 715 młn
- Hurt U2 — 500 młn
- Ser Ełtan Džon — 250 młn
- Ser Mik Džahier — 235 młn
- Alivija i Dani Charysan — 220 młn
- Kit Ryčards — 220 młn
- Rynha Star — 200 młn
- Majkł Fłetli — 198 młn
- Stynh — 185 młn
Poŭny śpis zamožnych ludziej Brytanii budzie apublikavany ŭ niadzielu.
Va Ukrainie zahinuła 24-hadovaja biełaruskaja dobraachvotnica Maryja Zajcava29
Kamientary