Prakuratura Čalabinskaj vobłaści vyniesła papiaredžańnie arhanizataram kancertaŭ mietał-hurta Cannibal Corpse ŭ Rasii.
Jak ustanoŭlena prakuraturaj, u repiertuary vystupu ŭtrymlivalisia «try tvory, jakija nie majuć psichołaha-linhvistyčnaha zaklučeńnia, što mahło paciahnuć parušeńnie zakanadaŭstva ab supraćdziejańni ekstremisckaj dziejnaści i zakanadaŭstva, nakiravanaha na abaronu dziaciej ad infarmacyi, što nanosić škodu ich zdaroŭju i raźvićciu».
Arhanizatarcy kancertu Natalli Ruskich abvieščana pieraściaroha i ŭkazana na nieabchodnaść vyklučyć z prapanavanaha da vykanańnia repiertuaru hetyja tvory, a taksama nie dapuskać źjaŭleńnia na kancercie asob, maładziejšych za 18 hadoŭ.
Pavodle dadzienych prakuratury, tematyka piesień amierykanskaj hrupy Cannibal Corpse źviazanaja sa śmierciu, hvałtam, vyčvareńniami, nosić «sataninski i antychryścijanski charaktar».
Raniej va Ufie byŭ sarvany zapłanavany na 5 kastryčnika kancert Cannibal Corpse. Kłub, u jakim pavińnie byŭ vystupić mietał-hurt, začyniŭsia pa techničnych pryčynach.
Cannibal Corpse — amierykanski mietał-hurt, zasnavany ŭ 1988 hodzie ŭ Bafała, štat Ńju-Jork. Za svaju karjeru vypuściŭ 12 studyjnych albomaŭ, adzin boks-set, i adzin kancertny albom. Hrupu časta krytykavali za afarmleńnie albomaŭ, ale muzyki nazyvajuć heta adnoj z formaŭ mastactva. Raniej kancerty Cannibal Corpse zabaraniali ŭ Novaj Ziełandyi, Aŭstralii, Karei i častkova ŭ Hiermanii.
«A što ŭ vas za prablemy? Daloka da Minska ci niama kamu padvieźci?» Publičnaja pikiroŭka Łukašenki i Pašyniana13
Kamientary