Źmicier Daškievič abaviazany vypłacić štraf u 10 bazavych vieličyniaŭ (1 młn. 300 tys. rubloŭ) za parušeńnie paradku previentyŭnaha nahladu.
Takoje rašeńnie pryniaŭ 30 studzienia sudździa suda Pieršamajskaha rajona Minska Juryj Harbatoŭski. Heta maksimalnaje pakarańnie, praduhledžanaje p. 1 art. 24.12 KoAP.
Daškievič u sud nie źjaviŭsia, rastłumačyŭšy heta zaniataściu na pracy. Aprača taho, na dumku byłoha palitźniavolenaha, u sudach pracujuć ludzi, «jakija nieadnojčy fabrykavali spravy» i jakim jon nie ličyć patrebnym dakazvać svaju nievinavataść.
U jakaści śviedki ŭ sudzie byŭ dapytany supracoŭnik Pieršamajskaha RAUS, jaki składaŭ pratakoł ab parušeńni.
Jon paviedamiŭ, što Daškievič nie źjaviŭsia ŭ kryminalna-papraŭčuju inśpiekcyju ŭ naležny čas i nie papiaredziŭ pra heta zahadzia. Nastupnym dniom, pavodle słoŭ milicyjaniera, Daškievič rastłumačyŭ, što zabyŭ źjavicca, ale ŭvažlivaj pryčyny nie nazvaŭ. Heta było pieršaje parušeńnie palitykam praviłaŭ previentyŭnaha nahladu.
Raniej u intervju žurnalistam Daškievič nie admaŭlaŭ, što zabyŭ pryjści ŭ inśpiekcyju 19 śniežnia. Daškievič źjaviŭsia ŭ milicyju nastupnym dniom, adrazu paśla telefanavańnia z RUUS, dzie ŭ jaho dačynieńni skłali pratakoł ab parušeńni paradku previentyŭnaha nahladu. Pavodle słoŭ Źmitra, u takich vypadkach pratakoły, jak praviła, nie składajuć. Adnak inśpiektar skazaŭ Daškieviču, što skłaści hety pratakoł zahadała načalstva.
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?12
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1616
Kamientary