У Лукашэнкі абмеркавалі справу Рыка Крыгера, асуджанага на смерць
Немец звярнуўся з прашэннем аб памілаванні.
30.07.2024 / 14:27
Удзел у абмеркаванні ўзяла і журналістка Людміла Гладкая, якая зрабіла некалькі рэпартажаў пра працэс
«У кабінеце Лукашэнкі толькі што абмеркавалі справу Рыка Крыгера — грамадзяніна Германіі, прыгаворанага да смяротнага пакарання», — піша БелТА.
Немец звярнуўся з прашэннем аб памілаванні. Лукашэнка «запрасіў людзей, пагружаных у працэс, пачуць падрабязнасці, меркаванні, «параіцца», — гаворыцца ў паведамленні БелТА.
Лукашэнка пракаментаваў сітуацыю:
«Найгоршае пытанне ў лёсе і жыцці прэзідэнта, якое атрымала вельмі сур'ёзнае гучанне. Рыка Крыгер — грамадзянін Германіі. Аказваецца, толькі ў 1993 годзе нарадзіўся. Судом прыгавораны ў Беларусі да выключнай меры пакарання. Паводле нашай Канстытуцыі і законаў апошняе слова заўсёды за прэзідэнтам. Звяртаецца, не звяртаецца (за памілаваннем)… Я ўжо неяк гаварыў, што самае цяжкае ў лёсе кіраўніка краіны — гэта такія справы, звязаныя з выключнай мерай пакарання. Можа, і параіцца. Але пачуць вашае меркаванне», — сказаў ён.
Гладкая абвінаваціла адваката Крыгера ў вынясенні смяротнага прысуду
Урад ФРГ не каментуе магчымы абмен Крыгера. Ён выказаў занепакоенасць фільмам БТ
«Там думаюць пра адно — калі ўсё гэта здарыцца». Дзе і ў якіх умовах цяпер знаходзіцца Рыка Крыгер?