Hładkaja abvinavaciła advakata Kryhiera ŭ vyniasieńni śmiarotnaha prysudu
Mienavita častkovaje, a nie poŭnaje pryznańnie viny, śćviardžaje prapahandystka, stała pryčynaj taho, što sud pryhavaryŭ Kryhiera da rasstrełu.
29.07.2024 / 07:29
Ryka Kryhier. Fota: spring96.org
Prapahandystka Ludmiła Hładkaja zajaviła, što ŭ vyniasieńni śmiarotnaha prysudu hramadzianinu Hiermanii Ryka Kryhieru vinavaty jaho advakat.
«Jon pryznavaŭ svaju vinu całkam, pa ŭsich epizodach, pa ŭsich pradjaŭlenych artykułach, ale potym źjaviŭsia toj advakat, jaki vioŭ jaho dalej i čałaviek staŭ pryznavać svaju vinu častkova», — zajaviła Hładkaja ŭ efiry «Biełaruś 1».
Mienavita «častkovaje pryznańnie viny», jak śćviardžaje prapahandystka, i stała pryčynaj taho, što sud u vyniku prysudziŭ Kryhiera da śmierci.
Jana taksama zajaviła, što «adziny va ŭsim śviecie», chto moža dapamahčy Kryhieru paźbiehnuć śmierci — heta Alaksandr Łukašenka, jaki moža pamiłavać zamiežnaha hramadzianina.
Hładkaja dadała, što Hiermanii «naplavać na svajho hramadzianina», a voś Biełaruś «da dyjałohu adkrytaja».
Prapahandystka namiakaje, što Hiermanii treba paśpiašać. «Treba havaryć, treba damaŭlacca, tym bolš, jak ty viedaješ, prysud pa hetaj spravie ŭžo nabyŭ zakonnuju moc i moža być vykanany ŭ luby momant. Heta značyć zaraz lik idzie litaralna na hadziny, mahčyma, apošnija hadziny ŭ žyćci hramadzianina Hiermanii Ryka Kryhiera», — skazała jana.
Hramadzianin FRH Ryka Kryhier byŭ prysudžany da śmiarotnaha pakarańnia nibyta za ŭčynieńnie vybuchu na stancyi Aziaryšča pad Minskam. U tym zdareńni nichto nie paciarpieŭ.
Urad FRH nie kamientuje mahčymy abmien Kryhiera. Jon vykazaŭ zaniepakojenaść filmam BT
Padrabiaznaści teraktu Kryhiera pad Aziaryščam — razburanyja špały i nivodnaha paranienaha