Мінскае «Дынама» на апошніх хвілінах прабілася ў другі раўнд кваліфікацыі Лігі чэмпіёнаў ВІДЭА
Супернікам «Дынама» быў армянскі «Пюнік».
16.07.2024 / 20:58
Тыдзень таму ў Венгрыі быў лік 0:0. Сёння гульня ў Ерэване кацілася таксама да 0:0.
Але на 90-й хвіліне армяне сфалілі ў сваёй штрафной. Пенальці рэалізаваў Аляксей Гаўрыловіч — 1:0.
У 2-м раўндзе «Дынама» згуляе з балгарскім «Лудагорцам», які па суме двух матчаў прайшоў батумскае «Дынама» (3:1, 0:1).
Першы матч адбудзецца ў Балгарыі ў наступную сераду, 24 ліпеня.
У мінулым сезоне «Лудагорац» стартаваў таксама у кваліфікацыі Лігі чэмпіёнаў, прайшоў косаўскі «Балкані» (0:2, 4:0), прайграў у другім раўндзе славенскай «Алімпіі» (1:1, 1,2).
У трэцім раўндзе Лігі Еўропы з лёгкасцю прайшоў «Астану» (1:2, 5:1), а ў плэй-оф Лігі Еўропы прайграў «Аяксу» (1:4, 1:0) і трапіў у групавы раўнд Лігі канферэнцый.
Там гуляў у групавым раўндзе з турэцкім «Фенербахчэ», дацкім «Наршэланам», славацкім «Спартаком», заняў другое месца, выйшаў у плэй-оф, дзе саступіў швейцарскаму «Сэрвету» (0:1, 0:1).
Алімпіяду-2024 у Беларусі не пакажуць
На Алімпіяду ад Беларусі едзе мінімальная ў гісторыі колькасць удзельнікаў — 16 чалавек
Названыя найлепшыя гульцы Еўра-2024, малады футбаліст і гулец фіналу
Ламін Ямаль выпадкова паказаў на ВІДЭА сваіх голых калегаў
Гарэт Саўтгейт пакінуў зборную Англіі