Chto siadzieŭ pobač z Łukašenkam na kancercie 3 lipienia ŭ Vialikim teatry? Zdajecca, u jaho novaja favarytka
Uviečary 3 lipienia Alaksandr Łukašenka pryjechaŭ na kancert u Vialiki teatr Biełarusi. Paśla pramovy i ŭznaharodžvańnia rabotnikaŭ kultury jon zaniaŭ miesca ŭ zale. Pobač ź im pasadzili dziaŭčat — adnu ź ich bačyli z palitykam užo trojčy.
04.07.2023 / 21:57
Łukašenka ŭ Vialikim teatry ź dźviuma dziaŭčatami na kancercie 3 lipienia. Fota: sajt Łukašenki
Dziaŭčyna, jakaja siadzieła levaruč ad Łukašenki, vielmi padobnaja da 26-hadovaj pijanistki Iryny Butel. Rodam jana ź Vietryna, što znachodzicca ŭ Połackim rajonie — adtul ža pachodziŭ słavuty litaraturaznaŭca Branisłaŭ Epimach-Šypiła. Jana skončyła Biełaruskuju dziaržaŭnuju akademiju muzyki pa kłasie fartepijana ŭ 2020-m i z hetaha času pracuje ŭ Vialikim teatry Biełarusi.
Paraŭnajcie — dziaŭčyna pobač z Łukašenkam i Iryna Butel (sprava). Fota: «Puł Pieršaha» i instahram Iryny Butel
Druhaja ź dziaŭčat — užo viadomaja nam 20-hadovaja minčanka Nastaśsia Kazyryckaja. Upieršyniu jana źjaviłasia z Łukašenkam na navahodnim bali, a potym paśpieła supravadzić jaho i na bał vypusknikoŭ 23 červienia. Źjaŭleńnie na Dzień Niezaležnaści — jaje treci vychad z Łukašenkam.
Łukašenka i Nastaśsia Kazyryckaja na śviacie vypusknikoŭ 23 červienia. Fota: sajt Łukašenki
Vyrasła Nastaśsia ŭ zvyčajnaj siamji ŭ stalicy Biełarusi. Baćka byŭ milicyjantam, ale 20 hadoŭ jak nie pracuje ŭ MUS. Ciapier dziaŭčyna vučycca ŭ Biełaruskim dziaržaŭnym ekanamičnym univiersitecie na śpiecyjalnaści «Buchhałtarski ŭlik, analiz i aŭdyt». Taksama jana pracuje madellu ŭ Nacyjanalnaj škole pryhažości, pryčym z padletkavaha ŭzrostu.
Nastaśsia Kazyryckaja na finale «Mis Biełaruś — 2021». Skryn videa STB
U 2021-m dziaŭčyna dajšła da finału konkursu «Mis Biełaruś». Hraje na fartepijana i hitary. Da apošniaha času pracavała va ŭpraŭleńni pa adukacyi administracyi Frunzienskaha rajona Minska. Pra pierachod jaje na inšyja pasady nieviadoma.
Čytajcie taksama:
Z kim Łukašenka tancavaŭ na navahodnim bali?
Palina Šuba viartajecca ŭ abojmu
Žančyny ŭ atačeńni Łukašenki: čamu i što jon im daviaraje. Vialikaja hutarka z Almiraj Usmanavaj