Правакацыя і спроба распаліць варожасць — Ціханоўская пракаментавала інцыдэнт у краме Kropka ў цэнтры Вільні
Лідар беларускіх дэмакратычных сіл заявіла, што шакаваная нападам на краму.
Святлана Ціханоўская назвала правакацыяй рэжыму і спробай распаліць міжнацыянальную варожасць тое, што адбылося ў беларускай краме Kropka ў Вільні.
Лідар беларускіх дэмакратычных сіл заявіла, што шакаваная нападам на краму.
«Лічу, што гэта чарговая правакацыя рэжыму, каб пасварыць беларусаў і літоўцаў, сфармаваць варожае стаўленне да беларусаў у Літве, а таксама пасеяць пачуццё страху сярод беларускай супольнасці. Гэта нагадвае серыю правакацыйных графіці, якія з'явіліся ў Вільні раней, калі рэжым распальваў тэму так званага »літвінізму». Важны не толькі сам факт нападу, але і мэтанакіраваная спроба распаліць міжнацыянальную варожасць», — паведамілі Reform.навіны ў офісе Ціханоўскай.
Офіс Ціханоўскай знаходзіцца на сувязі з літоўскімі ўладамі і накіраваў афіцыйны запыт.
«І я спадзяюся, што літоўскія ўлады дадуць гэтаму максімальна строгую ацэнку, а вінаватыя будуць пакараныя. Мы ўжо на сувязі з уладамі, накіравалі афіцыйны запыт, паліцыя шукае выканаўцу. Я ўдзячная, што Літва надае вялікую ўвагу бяспецы беларусаў, якія пераехалі ў Літву па палітычных прычынах.
Беларусам і літоўцам неабходна разам спыніць правакатараў», — заявіла Ціханоўская.
Нагадаем, у ноч на 28 ліпеня невядомыя напалі на краму Kropka, адкрытую ў Вільні экс-палітвязнем Дзмітрыем Фурманавым і яго жонкай Вольгай. У краме разбілі акно, а на сцяне напісалі па-літоўску «Вяртайцеся дадому, беларускія свінні».
Каментары
Можа гэта хтосьці з літоўцаў зрабіў (ёсць шмат літоўцаў, якія з нянавісцю ставяцца да беларусаў, напрыклад Жыльвінас Світоюс і ўсе, хто піша на яго Фэйсбук-старонцы, ахайваючы беларусаў). А можа гэта хтосьці з расейцаў зрабіў.
Злачынцу ж пакуль не злавілі і не паказалі, хто гэта, не дапыталі.
А Света ўжо ведае, што гэта зрабіў "рэжым".