Латвія фіксуе больш спробаў прарыву сваёй мяжы з Беларуссю мігрантамі
У апошнія дні павялічылася колькасць спробаў незаконнага перасячэння латвійска-беларускай мяжы, паведаміў начальнік Дзяржаўнай памежнай аховы Латвіі Гунціс Пуятс.
«У апошнія тры дні мы сутыкаемся з даволі інтэнсіўнай плынню асоб, якія жадаюць трапіць у Латвію нелегальна. Учора было спынена 62 такія спробы, пазаўчора — 51, а да гэтага — 47. За апошнія тры дні мы зноў бачым, што ахвотныя нелегальна пранікнуць у Латвію актывізаваліся непасрэдна ў кірунку Латвіі, і, адпаведна, іх колькасць зменшылася ў суседніх з намі краінах — Літве і Польшчы», — сказаў Пуятс, якога цытуюць мясцовыя медыя.
Сёлета Дзяржаўная памежная ахова Латвіі прадухіліла незаконнае перасячэнне латвійска-беларускай мяжы з боку 2770 чалавек. 12 чалавек прынялі ў Латвію па гуманітарных меркаваннях.
Пуятс заявіў, што накіраванне плыні мігрантаў у Латвію з'яўляецца мэтанакіраванай акцыяй беларускіх службаў.
«Масіраваныя спробы практычна на працягу ўсяго года рабіліся ў напрамку Польшчы. Цяпер мы гэта бачым за апошнія тры дні непасрэдна ў кірунку Латвіі. Мы назіралі гэта і летась, калі са жніўня па кастрычнік Латвію выбралі як асноўную краіну-мішэнь для нелегальнай міграцыі», — растлумачыў кіраўнік латвійскай Дзяржпагранаховы.
Ён адзначыў, што станоўчым фактам з'яўляецца ранейшае стварэнне інфраструктуры для абмежавання нелегальнай іміграцыі. У той жа час Пуятс прызнаў, што наступныя летнія месяцы будуць для памежнікаў напружанымі, таму Дзяржпагранахова звярнулася па дапамогу да нацыянальных узброеных сіл.
У студзені гэтага года міністры абароны Эстоніі, Латвіі і Літвы ўхвалілі стварэнне сумеснай балтыйскай зоны абароны на ўсходняй мяжы, дзе краіны мяжуюць з Расіяй і Беларуссю.
Пасля папярэджання ад Кітая колькасць мігрантаў на польскім кірунку скарацілася ў разы — ГРАФІК
Латвія пабудуе на мяжы з Расіяй і Беларуссю паўнавартасную лінію абароны
Нелегалы, што перайшлі мяжу з Беларуссю, урываюцца ў дамы латвійцаў
«Павінен выйсці Пачобут». Польскі міністр Сікорскі зноў загаварыў пра магчымае закрыццё мяжы для грузаў
Польшча і краіны Балтыі просяць пра абарончую лінію на мяжы з Расіяй і Беларуссю
Ці спыніліся атакі мігрантаў на польскай мяжы пасля пагрозы закрыць яе і кітайскага папярэджання?
Беларуская блогерка працавала на расійскай апазіцыйнай фабрыцы ботаў, а пасля зліла дакументы?36
Каментары