Смольнінскі раённы суд Санкт-Пецярбурга арыштаваў грамадзяніна Беларусі Дзмітрыя Аляксеева за дэманстрацыю нацысцкай сімволікі. У яго набітыя татуіроўкі са свастыкай адразу на некалькіх частках цела. Пра гэта паведамляе Аб'яднаная прэс-служба судоў Санкт-Пецярбурга.
У прэс-рэлізе адзначаецца, што ў Аляксеева на левай кісці нанесеная татуіроўка са свастыкай. Па-над ёй намаляваны чэрап у фуражцы, на якой намаляваны арол, які трымае ў лапах стылізаваны дубовы вянок, са свастыкай у цэнтры, што была афіцыйным дзяржаўным сімвалам нацысцкай Германіі. Таксама на плячы і перадплеччы левай рукі нанесеная свастыка з пагонам нацысцкай Германіі.
Дзе менавіта беларус дэманстраваў свае татуіроўкі, не гаворыцца, але ўдакладняецца, што ўсё адбывалася ў грамадскім месцы — на вуліцы. Магчыма, праз спякоту мужчына агаліў торс, і гэта заўважылі пільныя грамадзяне.
Абвінавачанаму інкрымінуецца правапарушэнне, прадугледжанае ч. 1 арт. 20.3 КаАП РФ (прапаганда альбо публічнае дэманстраванне нацысцкай атрыбутыкі або сімволікі).
Пры гэтым удакладняецца, што беларус мог схаваць нанесеныя татуіроўкі, але не стаў гэта рабіць, «ведаючы, што здзяйсняе публічнае дэманстраванне на адкрытых частках цела татуіровак з выявай нацысцкай сімволікі».
Аляксееў сваю віну прызнаў. Суд прызначыў яму пакаранне ў выглядзе адміністрацыйнага арышту на 14 сутак.
Беларускія сілавікі прыехалі затрымліваць футбольнага фаната на машыне з расійскімі нумарамі ФОТАФАКТ
Пікет нагой. У пацыента ўбачылі «Пагоню» на назе і адправілі з прыёмнага пакоя ў пастарунак
Сілавікі затрымалі жыхара Слоніма за татуіроўку
Бондарава радуецца, што кагосьці затрымалі за нацысцкую сімволіку. А ў самой…
Лукашэнка прызнаў, што мае патрэбу ў адпачынку і што вялікая колькасць людзей яго праклінае41
Каментары