Грамадства55

Бондарава радуецца, што кагосьці затрымалі за нацысцкую сімволіку. А ў самой…

Паглядзелі, які забаронены кантэнт можна адшукаць у канале даносчыцы.

Вольга Бондарава ў танку.

Вольга Бондарава зноў парадавалася, што кагосьці затрымалі за распаўсюд забароненай сімволікі.

Гэтым разам нагодай стала затрыманне ў Расіі саліста гурта «Карозія металу» падчас аблавы на канцэрце. Прычынай затрымання стала публічная дэманстрацыя нацысцкай сімволікі — на футболках удзельнікаў гурта знайшлі «калаўрат», які, паводле рашэння суда, «падобны да свастыкі да ступені змяшэння і ў такой якасці падлягае ідэнтыфікацыі як знак, які рэабілітуе і гераізуе нацызм».

Даносчыца падхапіла гэтую тэму, маўляў, «чорнае сонца» (іншая назва «калаўрата») да дабра не давядзе. А «неанацысту», як яна назвала саліста гурта, затрыманне па тым жа абвінавачванні некалькі гадоў таму «не пайшло на карысць».

Тое, што той жа неанацысцкі сімвал прысутнічаў на нашыўках расійскіх спецназаўцаў, якія затрымлівалі падазраваных у здзяйсненні тэракту ў Крокус Сіці Холе, і шырока выкарыстоўваецца вагнераўцамі, яна быццам і не заўважыла.

Не падтрымала Бондарава і сваю віцебскую калегу, прарасійскую актывістку Эльвіру Мірсалімаву. Сталіністку Мірсалімаву судзілі за рэабілітацыю нацызму, якую суд пабачыў у допісах са сцягам УСУ са свастыкай, гістарычных фота з бел-чырвона-белым сцягам і партрэтам Гітлера і іншых, якія суправаджаліся антыфашысцкімі допісамі.

Вядомыя таксама выпадкі, калі людзей судзілі за савецкія антыфашысцкія плакаты, дзе на карыкатурных выявах нацысцкіх лідараў прысутнічала свастыка.

Здавалася б, тут прарасійскія актывісты мусілі б аб'яднацца, бо падобныя допісы можна знайсці ў кожнага з іх. Але Вольга Бондарава заняла іншую пазіцыю, быццам яна недатыкальная і такое не можа адбыцца з ёю, а таму не спяшаецца чысціць свой тэлеграм. А чысціць ёсць ад чаго.

У тэлеграм-канале Бондаравай за апошні час можна адшукаць адразу некалькі допісаў з дэманстрацыяй нацысцкай сімволікі.

У адным з рэпостаў пад артыкул Бондараву падвяла родная камуністычная партыя. У сваім допісе камуністы паказалі здабытыя ва Украіне расійскімі акупантамі «трафеі», сярод якіх паклалі падушку з нашытай на яе свастыкай.

У наступным допісе Бондарава змагалася з каляднымі васьміканцовымі зоркамі, патрабуючы іх замяніць на савецкія. У зорках яна пабачыла не толькі сімволіку НАТА, але і сімволіку АУЕ (арыштанцкі ўклад адзіны) — татуіроўку лагерных аўтарытэтаў, зладзеяў у законе, якім яна наносіцца пад ключыцу. Даносчыца прадэманстравала ўсё багацце аўешнай сімволікі. На адну з апублікаваных ёю зорак са значэннем «смерць камуністам» нанесены дзве спараваныя руны «зіг» — эмблема нацысцкага СС.

У свой канал Бондрава перапосціла з прарасійскага рэсурса і сцяг Украіны са свастыкай — відаць, той жа, за фотаздымак з якім судзілі раней Мірсалімаву. Пры гэтым рэпост яна зрабіла праз некалькі дзён пасля таго, як віцебская сталіністка распавяла за што канкрэтна яе прыцягнулі да адказнасці. Вось дзе сапраўды «ўрок, які не пайшоў на карысць».

Гэта толькі некалькі прыкладаў з менавіта нацысцкай сімволікай, якія з'явіліся на канале Вольгі Бондаравай за апошнія паўгода. Але забароненай сімволікі там куды больш. Напрыклад, даносчыца зацірае на скрыншотах назвы і лагатыпы беларускіх рэсурсаў, прызнаных рэжымам Лукашэнкі экстрэмісцкімі, але пры гэтым актыўна рэпосціць допісы расійскіх каналаў, якія гэтага не робяць. 

«Наша Нiва» — бастыён беларушчыны

ПАДТРЫМАЦЬ

Каментары5

  • Т.т
    29.04.2024
    Я тоже буду рад, если бондариху посадят
  • Ганьба
    29.04.2024
    Калі ўжо разарве гэту істоту?
  • Максім, які не памёр
    29.04.2024
    Бондарава ў танку 😀 залік!

Сілавікі просяць у беларусаў за мяжой паведаміць свой адрас ці выслаць дамову арэнды. Што вядома?16

Сілавікі просяць у беларусаў за мяжой паведаміць свой адрас ці выслаць дамову арэнды. Што вядома?

Усе навіны →
Усе навіны

Яшчэ адна ахвяра непагадзі: у Магілёўскім раёне загінула 5-гадовая дзяўчынка

На беларуска-літоўскай мяжы упершыню за доўгі час з'явілася чарга з аўтобусаў1

Рыжанкоў: Беларусь гатова да дыялогу з Польшчай па сітуацыі на мяжы20

У залатой буцы на Еўра-2024 адразу некалькі ўладальнікаў

Як адрозніваюцца ўмовы працы для ІП у Беларусі і Літве? 1

Анёл Смерці. Гісторыя беларускі, якая паведамляе родным загінулых каліноўцаў пра іх гібель3

Аргенціна выйграла Кубак Амерыкі па футболе — і гэта таксама рэкорд

Як адразу пасля замаху на Трампа сацсеткі запоўнілі тэорыі змовы і пры чым тут Ілан Маск32

У Брэсце закансервуюць руіны 400-гадовага кляштара. Гэта адзінае збудаванне, што засталося ад гістарычнага Берасця4

больш чытаных навін
больш лайканых навін

Сілавікі просяць у беларусаў за мяжой паведаміць свой адрас ці выслаць дамову арэнды. Што вядома?16

Сілавікі просяць у беларусаў за мяжой паведаміць свой адрас ці выслаць дамову арэнды. Што вядома?

Галоўнае
Усе навіны →