У казіно гатэля «Пекін» прыйшлі сілавікі, і цяпер яно не працуе
Казіно «Опера», размешчанае ў мінскім гатэлі «Пекін», часова не працуе. Паводле інфармацыі выдання «Люстэрка» ад сваёй крыніцы, гэта звязана з ператрусамі, якія адбыліся там на мінулым тыдні.
Як расказаў чытач «Люстэрка», на мінулым тыдні ў казіно «Опера» гатэля «Пекін» прыходзілі сілавікі.
«Правялі ператрусы, выламалі ўсе дзверы, разбілі камеры. А персанал на тыдзень пайшоў у адпачынак», — гаворыць суразмоўца.
У казіно «Опера» на званкі ў панядзелак не адказвалі. У раздзеле «Казіно» на сайце гатэля «Пекін» адзначаецца, што «паслуга часова недаступная». Сам гатэль працягвае працу, браніраванне нумароў у ім, паводле адміністратаркі, даступнае. Казіно ж у найбліжэйшыя дні не будзе працаваць «па тэхнічных прычынах» і калі яно адкрыецца, супрацоўніца не ведае.
«Ёсць інфармацыя, што ў мінулы чацвер там прайшоў рэйд дзяржнаркакантролю, ніякай палітыкі там дакладна не было, — расказала крыніца «Люстэрка», якая працуе ў гульнявым бізнэсе Беларусі. — Такое здараецца часта: нечакана прыходзіць праверка, у зале ўключаюць святло і ўсіх прысутных правяраюць на наяўнасць або ўжыванне наркотыкаў.
Кажуць, у «Оперу» прыйшлі па наводцы, але гэта толькі чуткі. Як правіла, разам з наркакантролем на рэйд прыязджаюць і кантралёры з іншых ведамстваў, напрыклад, з санстанцыі або ўпраўлення культуры Мінгарвыканкама. Так што дакладна невядома, па якой прычыне гэта казіно да гэтага па не працуе. Магчыма, у кагосьці з правяральнікаў узніклі прэтэнзіі. Зусім не абавязкова, што яны звязаныя з наркотыкамі».
Казіно «Опера» належыць ТАА «Геймінг груп ХО». Уласнік гэтай фірмы — зарэгістраваная на Кіпры кампанія «Манары лімітэд». З-за гэтага «Геймінг груп ХО» ўваходзіць у спіс юрыдычных асоб, якім нельга прадаваць свае долі ў статутных фондах. Кампанія існуе са снежня 2013 года. Паводле даных сэрвісу kartoteka.by на 2021 год, у ёй працавала больш за 300 чалавек.
Чатырох малалетніх дзяцей забралі ў бацькоў у Іванаве, бо тыя прайгравалі ў анлайн-казіно
Памятаеце школьніка з «Салігорскай гульні»? Цяпер ён агітуе за Расію, хваліць ГУБАЗіК і рэкламуе дзецям казіно ды махляроў
Маладая бухгалтарка з Баранавічаў захапілася анлайн-казіно і змагла прайграць паўмільёна рублёў сваіх кліентаў
У палацы Пуціна ў Геленджыку замест казіно і пакоя для стрыптызу з'явілася дамавая царква з тронам
«Гэта пытанне часу, але трэба саспець». Пуцін загаварыў пра адзіны парламент і валюту Беларусі і Расіі7
«Гэта пытанне часу, але трэба саспець». Пуцін загаварыў пра адзіны парламент і валюту Беларусі і Расіі
Беларускія бізнэсмены спешна прадаюць долі ў сваіх польскіх транспартных кампаніях. Што адбываецца?2
Каментары