Двое зламыснікаў напалі на ўкраінскага памежніка на мяжы з Румыніяй. Апошні быў вымушаны адкрыць страляніну і смяротна параніў аднаго з тых, хто нападаў.
![](http://nnexpictures.fra1.digitaloceanspaces.com/img/w732d4webp1/photos/z_2024_06/-65xup.jpg.webp)
Журналіст Віталь Глагола са спасылкай на крыніцы паведаміў, што 29 чэрвеня вечарам два чалавекі з мачэтэ і газавым балончыкам напалі на вайскоўца памежнай службы Украіны.
Памежнік у адказ ужыў табельны пісталет — адзін правапарушальнік загінуў, другі атрымаў раненні.
У Дзяржпагранслужбе пацвердзілі, што інцыдэнт меў месца, праводзіцца расследаванне.
Каментары