Летнія напоі: 4 рэцэпты ліманаду

Ліманад са смакам махіта 

На 5 шклянак:

• 1 літр халоднай вады
• некалькі галінак мяты
• 4 чайныя лыжкі карычневага цукру
• 3 лаймы
• 1 лімон
• кубікі лёду

1. Наліце 100 мл вады ў каструлю і растварыце ў ёй цукар (вада не павінна кіпець, карычневы цукар растворыцца ў ёй вельмі хутка, дастаткова злёгку нагрэць каструлю і размяшаць).
2. Атрыманы цукровы сіроп адстаўце, каб ён астыў, а потым дадайце ў збан з халоднай вадой (астатнія 900 мл).
3. Памыйце лісце мяты і кіньце па некалькі лісцікаў у кожную шклянку (можна папярэдне паставіць шклянкі ў маразільную камеру на некалькі хвілін, каб яны былі халодныя і даўжэй захоўвалі прахалоду). Таўкачыкам растаўчыце лісце ў шклянках, каб яно выпусціла сок і дало цудоўны водар.
4. Разрэжце лаймы напалову. З трох выцісніце сок, які дадайце ў збан з вадой і цукровым сіропам. Перамяшайце доўгай лыжкай ці саломкай. Палоўкі лайма, што засталіся, разразаем на чатыры часткі. Лімон таксама наразаем — на восем частак або лустачкамі (як вам падабаецца). У шклянкі з лісцем мяты кідаем кавалачкі лайма і лімона. Дадаем кубікі лёду. Заліваем ліманадам.

Кавуновы ліманад з размарынам

• кавуновая мякаць 1/2 кг
• цукар 2 сталовыя лыжкі
• лайм 3 шт.
• размарын 1 вялікая галінка + для падачы
• кубікі лёду для падачы
• негазаваная вада 750 мл

1. Мякаць кавуна разрэзаць на кавалачкі. Жменю пакіньце для падачы з гатовым ліманадам, а астатнія кавалачкі перакладзіце ў блендар. Дадайце цукар.
2. Бланшыруем лаймы — палову пакіньце для падачы, а з астатніх выціскаем сок. Пераліце яго ў блендар. Дадайце галінку свежага размарыну і старанна змяшайце. Атрыманую масу прапусціце цераз сіта, пераліце ў вялікую банку або збан і пастаўце ў халадзільнік, каб яна астыла і дала смакам злучыцца.
3. Потым у гэтую аснову насыпце шмат лёду, дадайце кавалачкі лайма, галінку размарына і халодную негазаваную ваду.

Грушавы ліманад з чабаром і яблычным сокам

• груша 3 шт.
• лімон 2 шт.
• карычневы цукар 1 сталовая лыжка
• яблычны сок 150 мл
• свежы чабор трохі для самога ліманаду + трохі для падачы, для ўпрыгожвання
• кубікі лёду для падачы
• негазаваная вада 800 мл

1. Садавіну мыем, грушы лупім і наразаем кавалачкамі, з лімонаў выціскаем сок.
2. У блендар ці кухонны камбайн кладзём нарэзаную грушу, дадаём выціснуты з цытрыны сок і карычневы цукар. Дадаём яблычны сок і жменю свежага чабару. Старанна змешваем у блендары. Масу прапускаем цераз сіта.
3. У збан кладзём кубікі лёду, галінкі свежага чабару і грушавы мус. Затым наліваем негазаваную ваду.

Ліманад з клубніцамі, мёдам і базілікам

• клубніцы 500 г
• лімон 2 шт.
• вадкі мёд 3 сталовыя лыжкі
• базілік — жменя свежага лісця + галінка для падачы
• кубікі лёду для падачы
• негазаваная вада 750 мл

1. Клубніцы мыем і прыбіраем з іх цветаножкі. Некалькі штук пакідаем, каб падаць з гатовым ліманадам. Тыя ягады, што засталіся, наразаем кавалачкамі і кладзём у блендар.
2. Бланшуем лімоны і выціскаем з іх сок. Дадаём сок у клубніцы. У блендар наліваем мёд і кідаем жменю базіліку. Перамешваем.
3. Атрыманую ліманадную аснову трэба прапусціць цераз сіта, пераліць у слоік і астудзіць у лядоўні 2—3 гадзіны.
4. У збан наліваем ліманадную аснову, кідаем кубікі лёду і кладзём галінку свежага базіліку. Наліваем негазаваную ваду. Падаваць ліманад лепш адразу пасля гатавання.

• 0
• 2
• 0
• 0
• 0
• 0
• 3