19 мая ў Гродне вынеслі прысуд дзвюм дзяўчатам, якіх прызналі вінаватымі паводле арт. 370 (здзек з дзяржсімвалаў). Суд Ленінскага раёна прызначыў 23-гадовым Дар'і Заяц і Валерыі Драгун па годзе пазбаўлення волі з адбываннем пакарання ў папраўчай калоніі ва ўмовах агульнага рэжыму, піша «Вясна».
Згодна з матэрыяламі крымінальнай справы, у красавіку 2024 года дзяўчаты, будучы нецвярозымі, падпалілі дзяржаўны чырвона-зялёны сцяг. Дзеля гэтага яны нібыта выкарыстоўвалі тронак ад швабры з наматанай на яго паперай, а таксама запальнічку. Абедзве дзяўчыны прызналі сваю віну.
Суд прайшоў у выязным пасяджэнні на базе юрыдычнага факультэта ГрДУ імя Янкі Купалы. Прысуд зачытала суддзя Алена Пятрова.
Закаханыя ў Мінску хацелі сабраць з падпісчыкаў $10 тысяч на вяселле мары. Колькі ж у выніку ім заданацілі?13
Каментары