Расія вырашыла самачынна зрушыць мяжу з Літвой і Фінляндыяй у Балтыйскім моры
Расійскія ўлады прынялі рашэнне ў аднабаковым парадку змяніць марскія межы краіны з Літвой і Фінляндыяй у Балтыйскім моры, вынікае з праекта пастановы ўрада, апублікаванага на партале прававых актаў, піша The Moscow Times.
Згодна з дакументам, які падрыхтавала Мінабароны, Расія мае намер аб'явіць сваімі ўнутранымі марскімі водамі частку акваторыі на ўсходзе Фінскага заліва, а таксама паблізу гарадоў Балтыйск і Зеленаградск у Калінінградскай вобласці. Для гэтага будуць змененыя геаграфічныя каардынаты пунктаў, якія вызначаюць становішча зыходных ліній, ад якіх адмяраецца шырыня тэрытарыяльнага мора РФ, а таксама прылеглай зоны ля ўзбярэжжа і астравоў.
На мяжы з Фінляндыяй расійскі ўрад мае намер скарэктаваць каардынаты ў зоне астравоў Йяхі, Сомерс, Голанд, Родшэр, Малы Цютэрс, Вігрунд, а таксама каля паўночнага ўваходнага мыса ракі Нарва, вынікае з дадатку да пастановы Кабінета міністраў РФ.
На мяжы з Літвой пад перагляд трапіла зона Куршскай касы ў Гданьскім заліве, раёны мыса Таран, мыса на поўдзень ад мыса Таран, а таксама Балтыйскай касы.
Дакумент аб пераглядзе мяжы, які пакуль афіцыйна не каментавалі МЗС Фінляндыі і Літвы, быў прадстаўлены на грамадскае абмеркаванне практычна адначасова з пачаткам вучэнняў па выкарыстанні тактычнай ядзернай зброі. Расійскае Мінабароны аб'явіла, што яны стартавалі ў Паўднёвай вайсковай акрузе з удзелам комплексаў «Іскандэр» і авіяцыі, узброенай ракетамі «Кінжал». Мэтай вучэнняў заяўленыя падрыхтоўка асабовага складу да выкарыстання нестратэгічнай ядзернай зброі, а таксама адказ «на правакацыйныя заявы і пагрозы асобных заходніх афіцыйных асоб», заявіла прэс-служба ведамства.
У Расіі пачалі вучэнні па адпрацоўцы прымянення ядзернай зброі
Вучэнні па выкарыстанні тактычнай ядзернай зброі. Якая ў іх роля Беларусі і ці будуць задзейнічаны сапраўдныя боегалоўкі
У самалётаў, якія ляцяць над Балтыкай, пачасціліся збоі праз перашкоды з GPS. За гэтым можа стаяць Расія
Латвія, Літва і Эстонія абвінавацілі Расію ў падаўленні сігналаў GPS у Балтыйскім моры
Сілавікі разграмілі М1 — самае папулярнае ў расіян беларускае казіно7
Сілавікі разграмілі М1 — самае папулярнае ў расіян беларускае казіно
Ці можна сарваць яблыкі з суседскага дрэва, калі галіна звісае над вашым участкам? Адказ вас здзівіць3
Каментары