Stała viadoma, kolki zarablaje kiraŭnik administracyi Łukašenki
Kiraŭnik administracyi Łukašenki Ihar Sierhiejenka ciapier bałatujecca ŭ deputaty Pałaty pradstaŭnikoŭ u Pastavach. Z hetaj nahody jon padaŭ danyja ab dachodach i majomaści, jakuju nadrukavała hazieta «Vitiebskije viesti» ŭ numary za 2 lutaha, piša «Lusterka». Z hetaj dekłaracyi možna daviedacca, jaki na hetaj vysokaj pasadzie aficyjny zarobak.
Kandydaty ŭ deputaty dajuć spravazdaču za dachody 2022 hoda (padatkovyja dekłaracyi za minuły hod buduć padavacca ŭ sakaviku).
U dekłaracyi ab dachodach i majomaści Ihara Sierhiejenki za 2022 hod značycca kvatera ŭ Minsku płoščaj 101,6 kv.m, a taksama dachod u pamiery 172 503 rubloŭ. Ź ich 44 553 rubli — ad prodažu ziamielnaha ŭčastka.
Zhodna z artykułam 17 zakona «Ab baraćbie z karupcyjaj», dziaržsłužačyja nie majuć prava pracavać na inšych apłatnych pasadach (vyklučeńnie — navukovaja, piedahahičnaja, kulturnaja, tvorčaja i miedycynskaja dziejnaść). A značyć, kali z nazvanaj sumy adniać dachod ad prodažu ŭčastka, to rešta i jość hadavy zarobak čynoŭnika.
U 2022 hodzie jon byŭ roŭny 127 950 rublam (pavodle tahačasnaha kursu kala 48 835 dalaraŭ), ci 10 663 rublam (kala 4070 dalaraŭ) u miesiac. Dla paraŭnańnia, siaredni naličany zarobak u Biełarusi za 2022 hod skłaŭ 1631 rubiel (kala 622 dalaraŭ), a paśla vyličeńnia padatkaŭ na ruki atrymlivałasia kala 1403 rubloŭ (kala 535 dalaraŭ).
Vychodzić, što ŭ 2022 hodzie topavy čynoŭnik zarablaŭ u 7,6 razu bolš, čym siaredni biełarus.
Sierhiejenka zajmaje pasadu kiraŭnika administracyi Łukašenki z 2019 hoda. Da hetaha jon pracavaŭ pieršym namieśnikam staršyni KDB. U vypadku abrańnia deputatam Sierhiejenka pavinien budzie pakinuć administracyju.
Žychar Ivanava spłaciŭ $600 tysiač kampiensacyi za danaty, ale ŭsio adno atrymaŭ 5,5 hoda źniavoleńnia1
Žychar Ivanava spłaciŭ $600 tysiač kampiensacyi za danaty, ale ŭsio adno atrymaŭ 5,5 hoda źniavoleńnia
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1515
Kamientary