Грамадства44

Хто такі «Якуцік»? КДБ затрымлівае стралкоў і адпраўляе іх на паліграф, паказваючы фота аднаго чалавека

Праз гэтага чалавека кашмараць дзясяткі стралкоў па ўсёй краіне. 

Ілюстрацыйны здымак. Фота: МУС

Днямі «Наша Ніва» паведамляла пра нездаровы інтарэс органаў дзяржбяспекі да прадстаўнікоў стралковых клубаў, страйкбалістаў і рэканструктараў. 

Як нам вядома, спарадычна затрыманымі аказаліся дзясяткі людзей.

У нечым гэта нагадвае справу «Белага Легіёна» ў 2017-м, адзінае, што сёлета ўсё разгортваецца не вакол падкінутых аўтаматаў, а вакол сапраўднай дыверсіі ў Мачулішчах. 

Дэталяў масавых аблаваў мы не ведаем. Сігналы прыходзяць супярэчлівыя і без асаблівых дэталяў. 

Вядома, што частку людзей з КДБ выпускаюць пасля некалькіх дзён у засценках. Некаторыя яшчэ там. Усе, хто выходзіць — пад падпіскамі аб неразгалошванні. 

З таго, што нам удалося сабраць, вядома, што,

затрыманых стралкоў «бралі» у надзеі выйсці на загадкавага чалавека, якога называюць «Якуцікам». 

У КДБ затрыманых актыўна дапытваюць на прадмет знаёмства з гэтым чалавекам, паказваюць яго фота, высвятляюць абставіны знаёмства, калі яны ёсць, а таксама характар адносін. 

Затрыманыя абавязкова праходзяць паліграф. 

Хто гэты «Якуцік», мы не ведаем. Прозвішча гэта ці мянушка, таксама невядома.

Сёння Аляксандр Лукашэнка заявіў, што пасля дыверсіі ў Мачулішчах нібыта затрымалі «ўкраінскага тэрарыста» ў друкарні пад Бараўлянамі, а таксама 20 яго памагатых. У той жа час ён казаў, што пошукі датычных яшчэ вядуцца і паабяцаў зачыстку.

Калі вам нешта вядома, паведамляйце @nn_editor, на [email protected] ці [email protected]. Альбо пішыце асабіста тым журналістам і рэдактарам «Нашай Нівы», якіх вы ведаеце і якім давяраеце (лепш — у сігнал ці тэлеграм).

«Наша Нiва» — бастыён беларушчыны

ПАДТРЫМАЦЬ

Каментары4

  • лего
    07.03.2023
    Напалову якутам ці нейкім іншым азіятм акурат быў ўдзельнік справы "Белага легіёну", былы вайсковец. Здаецца яго мянушка такая была
  • Бермудик
    07.03.2023
    дырку от бублика вам а не Якутика, шавки лукнявые. 
  • Імя
    07.03.2023
    Мабыць нехта прачытаў "Менскую трылогію" Сяргея Пясецкага... Ці там быў "мангол", дакладна не памятаю.

Выйшаў на волю старшыня АГП Мікалай Казлоў1

Грамадстваабноўлена1

Выйшаў на волю старшыня АГП Мікалай Казлоў

Усе навіны →
Усе навіны

Круты: Бог паслаў ураган, каб прэзідэнт парадаваўся, што створаная ім сістэма выстаяла35

Борыс Джонсан: Трамп можа выратаваць Украіну8

Мінскі заапарк заклікаў беларусаў падзяліцца з жывёламі лішкамі ўраджаю

Беларусь ці Польшча: хто важнейшы гандлёвы партнёр для Кітая?8

«Мая даўняя мара — жыць у Іспаніі — аказалася расчараваннем». Салігарчанка тры гады пажыла ў Алікантэ і вярнулася ў Беларусь54

Пудынг, піца і рол — небанальныя стравы з бульбы

У Дудутках праходзіць міжнародны фестываль «Наш Грунвальд» ШМАТ ФОТА11

Каштэлі, ранэты, пепінкі: усё пра старыя беларускія сады і сарты. І дзе іх купіць4

Некаторым журналістам з Беларусі забаранілі асвятляць Алімпіяду3

больш чытаных навін
больш лайканых навін

Выйшаў на волю старшыня АГП Мікалай Казлоў1

Грамадстваабноўлена1

Выйшаў на волю старшыня АГП Мікалай Казлоў

Галоўнае
Усе навіны →