"Razborka" adbyłasia ŭ lesie pad Lidaj.
22 kastryčnika Lidskim rajonnym adździełam Śledčaha kamiteta ŭzbudžanaja sprava pa č. 1 art. 14 i p. 1 č. 2 art. 139 Kryminalnaha kodeksa (zamach na zabojstva dvuch asob).
Jak raspavioŭ BiełaPAN aficyjny pradstaŭnik SK pa Hrodzienskaj vobłaści Siarhiej Šaršanievič, paviedamleńnie ab złačynstvie pastupiła, kali ŭ lidskuju lakarniu pryvieźli z ahniastrelnym ranieńniem hrudnoj kletki niepracujučaha, raniej sudzimaha miascovaha žychara 1985 hoda naradžeńnia, a jaho znajomy 1970 hoda naradžeńnia źviarnuŭsia ŭ tuju ž miedustanovu ź niepranikalnym ahniastrelnym ranieńniem brušnoj ścienki.
Padčas ahladu miesca zdareńnia i praviadzieńnia inšychśledča-apieratyŭnych mierapryjemstvaŭ vyśvietlena, što ŭ žycharoŭ Lidy stralaŭ z abreza palaŭničaj strelby miascovy niepracujučy, raniej sudzimy žychar 1965 hoda naradžeńnia.
Padazravany zatrymany supracoŭnikami milicyi.
Kryminalnaja sprava pryniała da vytvorčaści śledčaje ŭpraŭleńnie USK pa Hrodzienskaj vobłaści.
Padazravany źmieščany ŭ izalatar časovaha ŭtrymańnia. Najbolš vierahodnym matyvam złačynstva źjaŭlajucca asabistyja niepryjaznyja adnosiny pamiž im i paciarpiełymi.
Jak paviedamiŭ sajtu UUS Hrodzienskaha abłvykankama namieśnik načalnika ŭpraŭleńnia kryminalnaha vyšuku abłasnoj milicyi Andrej Kudrycki, dla pošuku złačynca ŭ horadzie i bližejšych rajonach byŭ uviedzieny płan «Sirena». Na pošuki padazravanaha byŭ aryjentavany ŭvieś asabisty skład Lidskaha RAUS.
Pa słovach Kudryckaha,
i paciarpiełyja, i padazravany raniej pryciahvalisia da kryminalnaj adkaznaści, z pryčyny čaho ŭ ich čas ad času ŭźnikali kanflikty.Dvoje ź ich učora pryznačyli sustreču, kab razabracca ŭ niekatorych supiarečnaściach. U chodzie jaje pamiž kryminalnikami zdaryŭsia kanflikt, i padazravany, dastaŭšy z torby abrez, pa čarzie streliŭ u kožnaha z apanientaŭ, paśla čaho schavaŭsia ŭ lesie. U lakarni paciarpiełyja ab tym nie raspaviali. Usia abstaviny apieratyŭnikam daviałosia vyśviatlać samastojna.
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?12
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1616
Kamientary