Centrvybarkam na pasiadžeńni 5 vieraśnia zarehistravaŭ kandydataŭ u členy savieta respubliki.
Sakratar CVK Mikałaj Łazavik zaznačyŭ, što vybary ŭ vierchniuju pałatu parłamienta «spałučajuć elemienty vybarnaści i pryznačalnaści». U pryvatnaści, vosiem členaŭ savieta respubliki pryznačaje Łukašenka, jašče pa vosiem abirajucca ad kožnaj vobłaści i Minska. Vyłučeńnie kandydataŭ robicca prezidyumami rajonnych, haradskich (haradoŭ abłasnoha padparadkavańnia) savietaŭ deputataŭ i rajonnymi, haradskimi vykanaŭčymi kamitetami, prezidyumami Minskaha haradskoha savieta deputataŭ i Minskaha haradskoha vykanaŭčaha kamiteta.
«Ustanoŭlena, što va ŭsich abłaściach i Minsku vyłučeńnie prajšło ŭ poŭnaj adpaviednaści z zakanadaŭstvam. Prapanoŭvaju ŭsie vyłučeńni pryznać pravamocnymi», — skazaŭ Łazavik.
U pryvatnaści, kandydatami ŭ členy savieta respubliki vyłučanyja staršyni abłvykankamaŭ: Viciebskaha — Alaksandr Kosiniec, Homielskaha — Uładzimir Dvornik, Minskaha — Barys Batura, Bresckaha — Kanstancin Sumar, Mahiloŭskaha — Piotr Rudnik, a taksama hienieralny dyrektar Biełaruskaj kalijnaj kampanii Valeryj Ivanoŭ, pieršy sakratar CK HA «Biełaruski respublikanski sajuz moładzi» Ihar Buzoŭski.
Vybary ŭ vierchniuju pałatu parłamienta projduć na pasiadžeńniach deputataŭ miascovych savietaŭ deputataŭ bazavaha ŭzroŭniu ŭ kožnaj vobłaści i deputataŭ Minskaha haradskoha savieta deputataŭ z 6 pa 25 vieraśnia.
Vyniki vybaraŭ členaŭ savieta respubliki pavinny być ustanoŭlenyja Centrvybarkamam nie paźniej jak 5 kastryčnika ŭklučna.
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?10
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1616
Kamientary