Poŭnaje "adździaleńnie naroda ad režymu" adbyłosia. Ura, tavaryšy!

Stračana viera ŭ pieramieny ŭ Biełarusi ŭ bok demakratyi j svabody. Padobna, što va ŭmovach vajny va Ŭkrainie, Zachad ciapier ličyć za lepšaje prosta izalavacca ad našaj krainy, minimizujučy patencyjnuju niebiaśpieku, kab mieć mahčymaść całkam zasiarodzicca (pieranieści ŭsiu ŭvahu) na rašeńni prablemaŭ vyklikanych rasiejskaj ahresijaj suprać Ukrainy. Razumnyja ludzi daŭno heta pradbačyli, bo było jasna, što trymać svaje dźviery dla Biełarusi naściež adčynienymi j nadalej moža ŭjaŭlać niebiaśpieku, uličvajučy dziejańni niepradkazalnaha, chłuślivaha j całkam zaležnaha ad vykrutasaŭ Kramla kiroŭnaha tut režymu.
Nu, i druhi momant, heta spadzieŭ na analahičny adkaz biełaruskaha boku, što pavinna było b pieraškodzić hramadzianam krainaŭ Bałtyi naviedvacca ŭ Biełaruś. Jak minimum, heta pavinna było b značna zapavolić płyń žadajučych adviedać Biełaruś, što palehčyła b pracu kontrvyviedki. Poki takoha adkazu z boku kiroŭnaha režymu Biełarusi nie paśledvała...