Kala pasolstva Izraila ŭ Sierbii nieviadomy napaŭ z arbaletam na žandara. Palicejski špitalizavany, paviedamiŭ kiraŭnik MUS Sierbii Ivica Dačyč.
«Siońnia kala 11.00 nieviadomy, čyja asoba vyśviatlajecca, stralaŭ z arbaleta ŭ supracoŭnika žandarmieryi, jaki achoŭvaŭ pasolstva Izraila, i paraniŭ jaho ŭ šyju. Žandar 1990 hoda naradžeńnia pry samaabaronie ŭžyŭ zbroju i niejtralizavaŭ napadnika, jaki pamior u vyniku ranieńnia», — adznačyŭ Ivica Dačyč.
Paranieny palicejski znachodziŭsia ŭ śviadomaści, jaho dastavili ŭ centr chutkaj dapamohi, dzie praviali apieracyju pa vymańni strały z šyi.
Nichto z supracoŭnikaŭ pasolstva Izraila ŭ Białhradzie ŭ vyniku hetaha incydentu nie paciarpieŭ. Dypmisija była časova zakrytaja.
Paśla pra ździejśnieny napad źjavilisia niekatoryja padrabiaznaści:
«Terakt ździejśniŭ Miłaš Žujavič 1999 hoda naradžeńnia z horada Mładenavac, jaki źmianiŭ imia na Sałachudzin», — zajaviŭ paśla praviadzieńnia rasśledavańnia kiraŭnik MUS Sierbii.
Pavodle jaho słoŭ, napadnik naležyć da radykalnych isłamistaŭ.
Z-za hetaha incydentu byli ŭviedzienyja pavyšanyja miery biaśpieki nie tolki ŭ stalicy Sierbii, ale i ŭ inšych haradach krainy. Miascovyja pravaachoŭniki pravodziać pravierki.
«Jon užo doma». Dačka Ryhora Kastusiova raskazała pra pieršuju hutarku z baćkam paśla vyzvaleńnia1
«Jon užo doma». Dačka Ryhora Kastusiova raskazała pra pieršuju hutarku z baćkam paśla vyzvaleńnia
Rasiejskaja armija rychtuje novy ŭdar pa ŭkrainskaj abaronie — navat bolš mahutny, čym šturm Aŭdziejeŭki13
Kamientary