U vioscy Plabancy Pružanskaha rajona pjany 15-hadovy chłopiec pasvaryŭsia z baćkam 21 kastryčnika 2023 hoda. U časie kanfliktu razjušany padletak da śmierci źbiŭ mužčynu, i ciapier jamu vynieśli prysud.
Žudasnaja historyja adbyłasia ŭ kastryčniku minułaha hoda ŭ vioscy Plabancy Pružanskaha rajona. Tam 15-hadovy chłopiec pryjšoŭ dadomu sa svaimi znajomymi i piŭ ź imi harełku. Baćki ŭvieś hety čas znachodzilisia ŭ susiednich pakojach. U niejki momant pamiž baćkam i synam paŭstaŭ kanflikt, padčas jakoha małady čałaviek staŭ źbivać svajho baćku. U hety čas inšy tavaryš zdymaŭ raspravu na mabilny telefon. Usiaho ekśpierty naličyli nie mienš za 19 udaraŭ.
Na sudzie chłopiec svaju vinu nie pryznaŭ, kazaŭ, što ŭ jaho nie było namieru zabivać baćku. Tym nie mienš, Brescki abłasny sud pryznaŭ chłopca vinavatym u zabojstvie z asablivaj žorstkaściu. Najbližejšyja 9 hadoŭ małady čałaviek praviadzie za kratami.
Čatyrochhadovaja Maja Lubimcava, jakuju šukali bolš za sutki, zahinuła
Kamientary