Asudzili milicyjaniera z elitnaha padraździaleńnia. Jon chadziŭ pa vioscy biez trusoŭ
«Naŭmysna demanstravaŭ aholenyja pałavyja orhany».
Iharu Škredu 49 hadoŭ. Jon skončyŭ Biełaruski nacyjanalny techničny ŭniviersitet. Paśla ŭniviersiteta bolš za 10 hadoŭ adpracavaŭ u kampanii «Asobbudprajekt» inžynieram-technołaham.
Paśla Škred uładkavaŭsia ŭ Departamient zabieśpiačeńnia apieratyŭna-vyšukovaj dziejnaści MUS. Heta elitnaje padraździaleńnie, jakoje zajmajecca prasłuchoŭkaj, sačeńniem (u tym liku i za samimi milicyjanierami), tajemna prasočvajecca ŭ chaty dy mašyny. Pra toje, chto słužyć u departamiencie, nieviadoma navat samim milicyjanieram — źviestki pra ich u bazach schavanyja i lehiendavanyja, jany karystajucca pašpartami prykryćcia.
U 2020-m Škred danosiŭ na pratestoŭcaŭ. U bazach na «Čornaj mapie Biełarusi» dva danosy — «na dachu doma visić bieł-čyrvona-bieły ściah» i «kala himnazii na stadyjonie bčb-ściahi».
Ale adbyŭsia kanfuz. 17 červienia 2023 hoda Škred pajechaŭ u viosku, padobna, vypivaŭ. I vyrašyŭ… pachadzić pa joj u adnoj cišotcy, biez trusoŭ.
Aholeny, jon «radavaŭ» viaskoŭcaŭ ceły dzień, niekalki razoŭ chadziŭ u takim vyhladzie ŭ kramu, pieršy raz u 9:08, a apošni — u 17:58. Na zaŭvahi ludziej, jakija prasili jaho nie chadzić hołym, padobna, reahavaŭ niecenzurna — u sudovaj pastanovie heta akuratna sfarmulavana jak «śviedka patłumačyŭ, što svaimi zadzirlivymi pavodzinami Škred chacieŭ supraćpastavić siabie hramadstvu». Praihnaravaŭ jon i pradavačku, jakaja niekalki razoŭ «źviarnuła ŭvahu na jahonyja aholenyja pałavyja orhany». Nie zasmuciła jaho i kamiera na kramie.
Viaskoŭcy vyklikali milicyju i taki zmusili Škreda nadzieć šorty.
U sudzie jon kazaŭ, što chadziŭ hoły, bo kupaŭsia i jahonyja šorty byli mokryja. Usie śviedki kazali, što rabili jamu zaŭvahi, ale jon ich ihnaravaŭ. Taksama schłusiŭ nakont šortaŭ — śviedka pakazaŭ, što kali zmusiŭ milicyjaniera apranucca, jany byli absalutna suchija.
Zhodna z prysudam ad 30 žniŭnia 2023 hoda, Škred, «žadajučy prademanstravać svaje dziejańni nieabmiežavanamu kołu asobaŭ, naŭmysna demanstravaŭ aholenyja pałavyja orhany». Jamu mahli prysudzić da troch hadoŭ kałonii, ale sud daŭ tolki 150 bazavych vieličyń štrafu. U SIZA Škreda nie trymali.
Nastupny raz jaho sudzili ŭ listapadzie 2023 hoda. Tady jon paškodziŭ majomaść niejkaha čałavieka ŭ niaznačnym pamiery. Za heta jamu mahli dać da 30 bazavych štrafu.
«Naša Niva» — bastyjon biełaruščyny
PADTRYMAĆKamunist, danosčyk sa stažam, pakryŭdžany na BT — što za błohier Žan Sodziel, jaki nabraŭ papularnaści na plotkach pra ruski šoubiznes
Asudzili milicyjanta, jaki ŭ 2020-m danosiŭ na pratestoŭcaŭ. Jon prabivaŭ ludziej pa bazach MUS i pradavaŭ źviestki
Pamiatajecie kamunista Ciuchaja, adyjoznaha funkcyjaniera BRSM? Jaho sudziać za zdradu dziaržavie — da 25 hadoŭ źniavoleńnia
Kaho z palitviaźniaŭ mohuć vypuścić paśla anonsu Łukašenki?3
Kaho z palitviaźniaŭ mohuć vypuścić paśla anonsu Łukašenki?
«Kadebist u čornych skuranych palčatkach zadavaŭ pytańni, i kali ja nie adkazvała, pačynaŭ mianie dušyć»11
Kamientary