U Minsku raspačataja sprava ab karupcyi ŭ asabliva bujnym pamiery: dyrektar staličnaha pradpryjemstva atrymaŭ chabar 200 tysiač rubloŭ.
Złačynstva adbyłosia ŭ budaŭničaj halinie. Pa słovach načalnika ŭpraŭleńnia ABEZ Jaŭhiena Bućko, padazravany raspracavaŭ schiemu atrymańnia chabaru takim čynam, kab paźbiehnuć pakarańnia, załučajučy ŭ praces pasiarednikaŭ.
Jaŭhien Bućko ŭ efiry telekanała STB adznačyŭ, što najbolš uraźlivymi dla karupcyi źjaŭlajucca śfiery, dzie zadziejničany biudžetnyja srodki, takija, naprykład, jak ŽKH.
— Tam, dzie hrošy, na žal, źjaŭlajecca čarha z achvotnych ich atrymać niesumlennym šlacham. Heta jak biźniesmieny z adnaho boku, tak i čynoŭniki, pradstaŭniki dziaržstruktur z druhoha, — adznačyŭ jon.
U 2023 hodzie byli asudžany 923 słužbovyja asoby, jakija majuć dačynieńnie da karupcyi, u tym liku čałaviek, jaki atrymaŭ chabar u pamiery 1 miljona dalaraŭ. Štohod u krainie vyjaŭlajecca kala 750-800 słužbovych asob, jakija padazrajucca ŭ karupcyjnych złačynstvach.
Chto taja prafsajuznaja aktyvistka z MAZa, jakaja paprasiła Łukašenku razabracca ŭ jutubie z «biehłymi»?5
Kamientary