Čym biełaruskija pradprymalniki adroźnivajucca ad ruskich i ŭkraincaŭ
Ab adroźnieńni biełaruskich biznesmienaŭ ad susiedziaŭ, a taksama pra toje, ci sapraŭdy biełarusy navučylisia rabić tolki traktary, viadomy ekanamist, administratyŭny dyrektar Centra ekanamičnych daśledavańniaŭ BEROC Pavieł Daniejka parazvažaŭ u novym vypusku «Tok».
Pa słovach ekanamista, «biełarusy ŭmiejuć vyrablać, ukraincy — pradavać, a ruskija — vypampoŭvać hrošy».
Ale čamu ŭ Biełarusi skancentravana vytvorčaść samazvałaŭ i traktaroŭ? Daniejka heta tłumačyć nastupnym čynam:
«Biełarusy jak nacyja tolki zakančvajuć svajo farmavańnie. Realna byli supolnaściu tutejšych. U ich jość masa pazityŭnych charaktarystyk — vyžyvalnaść, pracavitaść. Ale jość i vielmi niepryjemnaja reč — hatoŭnaść kłaścisia pad haspadara. <…>
Naša namienkłatura taksama była tutejšych charaktarystyk. Tamu ŭ ramkach savieckaha raźmierkavańnia inviestycyj vyciahnuli na Biełaruś samyja pierśpiektyŭnyja inviestycyi. Tady heta ŭ technicy byli aŭtamabili i traktary».
U toj ža čas Daniejka źviartaje ŭvahu i na inšyja haliny, stvoranyja ŭ časy SSSR, jakija mohuć stać punktami rostu ekanomiki krainy:
«U Savieckim Sajuzie klučavyja inviestycyi — heta vajna. Našy biełaruskija lidary zmahli nie mieć pramych vajennych inviestycyj, a mieć dvajnyja — optyka, elektronika. Tamu, kali havaryć pra traktary i MAZy (jašče ciahačy ŭsie viedajuć), u baku zastajecca vielmi mahutnaja chajtekaŭskaja častka, jakaja ŭ Biełaruś była ŭciahnuta. My zabylisia pra «Intehrał», BiełOMA. Voś hałoŭnyja punkty dalejšaha rostu dla Biełarusi».
Hladzicie całkam:
Jak žyvie i čym zajmajecca Kryścina Mocnaja — mierkavanaja dačka Alaksandra Łukašenki22
Jak žyvie i čym zajmajecca Kryścina Mocnaja — mierkavanaja dačka Alaksandra Łukašenki
Viarnuŭsia z vajny, uładkavaŭsia ŭ Varšavie, pasvaryŭsia z usimi — i źnik. Pryjacieli pra eks-kalinoŭca Maksima Ralko, jakoha zatrymali ŭ Biełarusi1515
Kamientary