Dzie pastavili kamiery, jakija adsočvajuć najaŭnaść techahladu ADRASY
Ich pakul niašmat, ale abiacajuć u bližejšy čas sietku pašyryć.
![](http://nnexpictures.fra1.digitaloceanspaces.com/img/w732d4webp1/photos/stock/winter_4240-brucs.jpg.webp)
Infarmacyja pra toje, što ŭ Biełarusi buduć praviarać najaŭnaść techahladu z dapamohaj darožnych kamier, źjaviłasia daŭno, adnak było nieviadoma, dzie ich ustalujuć.
Siońnia kampanija «Biaśpiečnyja darohi Biełarusi» pradstaviła ŭ siabie na sajcie kartu ź miescam raźmiaščeńnia kamier, jakija adsočvajuć najaŭnaść techahladu, piša «Točka.baj».
![](http://nnexpictures.fra1.digitaloceanspaces.com/img/w732d4webp1/photos/z_2024_04/q0909ssr2j5p6q67deqdccmfavpd0ply-5b2wk.jpg.webp)
Dla pravierki «dopusku» vykarystoŭvajucca stacyjanarnyja i mabilnyja datčyki kantrolu chutkaści. Pakul jany ŭstalavany ŭ Minsku i jaho vakolicach. Usiaho ŭžo pracuje šeść kamier.
Voś ich miesca raźmiaščeńnia:
- pr. Pieramožcaŭ, 9 (u centry)
- vuł. Niamiha, 5 (da praśpiekta Pieramožcaŭ)
- vuł. Viery Charužaj, 1a (na płoščy Jakuba Kołasa)
- vuł. Maksima Bahdanoviča, 27 pa vuł. Zybickaj (da vulicy Janki Kupały)
- R28, 10.240, vyjezd ź Minska (u Ždanovičach)
- Kopišča, vuł. Avijacyjnaja, 33 (na Uruččy).
Akramia taho, raniej stała viadoma, što najaŭnaść techahladu buduć fiksavać kamiery ŭ dvarach, na zapraŭkach i skryžavańniach. Dla hetaha ŭžo raspracoŭvajuć śpiecyjalnaje prahramnaje zabieśpiačeńnie, raspavioŭ dyrektar RUP «Biełtechahlad» Juryj Lančeŭski.
Pavodle jaho słoŭ, hetaja sistema pavinna zapracavać da 2025 hoda.
Čatyrochhadovaja Maja Lubimcava, jakuju šukali bolš za sutki, zahinuła
![](http://nnexpictures.fra1.digitaloceanspaces.com/img/w450h300crop1webp1/photos/z_2024_07/maja240703-6qkyg.jpg.webp)
Kamientary