Litoŭski viaskovy padvorak na miažy ź Biełaruśsiu vyhladaje, jak aŭtasałon pa prodažy premijalnych aŭto VIDEA
Dziasiatki premijalnych aŭto, jakija nakiroŭvalisia ŭ Biełaruś, zachraśli ŭ Litvie. Ich zachoŭvajuć na padvorkach pryhraničnych viosak i na parkoŭcy rynka «Harunaj» u Vilni.
Karystalnik Instagram pad nikam rihor33 vykłaŭ videa, jakoje było adźniata ŭ pryhraničnaj litoŭskaj vioscy niepadalok ad punkta propusku «Miedniki — Kamienny Łoh».
Na videa bačna, jak padvorak ščylna zastaŭleny aŭtamabilami z tranzitnymi numarami roznych krain — u asnoŭnym Hiermanii, Litvy i Łatvii.
«Vid ź litoŭskaj vioski na miažy ź Biełaruśsiu. Raniej sadžali bulbu, a ciapier stavim tački na stajanku. Tut jak u muziei. Tut, mnie zdajecca, pradaŭcy BMW i Mercedes pavinny pryjazdžać na kursy pavyšeńnia kvalifikacyi. Jany takich tačak sami nie bačyli»,
— kamientuje ŭbačanaje aŭtar videa.
Rolik ź litoŭskaj vioski nabraŭ užo bolš za 255 tysiač prahladaŭ.
Na padvorku možna ŭbačyć adrazu niekalki spartyŭnych BMW i Mercedes. Kupe Porsche 911, jak minimum dva kabryjalety i davoli šmat usiedarožnikaŭ BMW.
Aproč videa ź vioski, mužčyna vykłaŭ u svaim akaŭncie roliki, jakija chutčej za ŭsio byli zapisanyja na parkoŭcy vilniuskaha rynku «Harunaj».
Parkoŭka na terytoryi rynku taksama ščylna zastaŭlena aŭtamabilami z tranzitnymi numarami roznych krain ES.
Tam taksama možna ŭbačyć vialikuju kolkaść usiedarožnikaŭ BMW Ch5 i Ch7, Mercedes-Benz GLE, miniveny V-classe. Chapaje na parkoŭcy śviežych Volvo i Range Rover. Taksama na adnym ź videa možna naličyć jak minimum čatyry Mercedes Gelentwagen, košt jakich našmat bolšy za 50 tysiač jeŭra.
Čamu mašyny pakinuli ŭ Litvie?
Vyhladaje, što kali nie ŭsie hetyja aŭto, to dakładna značnaja častka ź ich — hety tyja mašyny, jakija nakiroŭvalisia ŭ Biełaruś, ale nie zmahli trapić tudy praz uviedzienyja Litvoj z 4 červienia dadatkovyja patrabavańni.
Ciapier ź Jeŭropy ŭ Biełaruś prapuskajuć tolki mašyny z abjomam ruchavika da 1,9 litra i koštam da 50 tysiač jeŭra. Kab vyvieźci ŭ Biełaruś padsankcyjnyja ŭ Rasii aŭto, pakupniku nieabchodna pakazać dekłaracyju ad aŭtavytvorcy.
Heta dakumient u volnaj formie ad vytvorcy tavaru (nie aficyjnaha pradstaŭnika), jaki vyrabiŭ aŭtamabil, jakim paćviardžajecca, što jamu viadomy pradaviec tavaraŭ, vyrablenych im, i ich pakupnik u treciaj krainie, i zaklučanaja imi ździełka nie vyklikaje ŭ jaho sumnieńniaŭ (što hetaja ździełka nie parušaje mižnarodnyja sankcyi).
Jak pakazvaje praktyka, vykanać hetaje patrabavańnie naŭrad ci mahčyma.
Prabiełaruskija łukašysty jadnajucca suprać prarasijskich15
Prabiełaruskija łukašysty jadnajucca suprać prarasijskich
«Toje, što chtości siadzić za palityku, źjaŭlajecca častkaj piejzažu». Biełaruska, jakaja naviedała radzimu paśla doŭhaha pierapynku, padzialiłasia ŭražańniami1010
Kamientary