Čatyroch padazravanych u napadzie na «Krokus Sici Choł» zatrymali kala Branska
U mašynie, što zatrymali ŭ Branskaj vobłaści, pavodle papiarednich źviestak, znachodziłasia abo šeść, abo čatyry čałavieki: čatyroch zatrymali.
Aŭtamabil ź mierkavanymi złačyncami byŭ spynieny niedaloka ad pasiołka Chacuń kala Branska, paviedamlaje Baza.
U mašynie, pavodle papiarednich źviestak, znachodziłasia ci čatyry ci šeść čałaviek: čatyroch zatrymali.
Zatrymanymi akazalisia hramadzianie Tadžykistana. Zaraz ź imi pracujuć supracoŭniki śpiecsłužbaŭ — ich praviarajuć na dačynieńnie da teraktu.
Paźniej stali viadomyja asoby čaćviarych z šaści mierkavanych terarystaŭ, jakija mahli ŭčynić stralaninu ŭ «Krokus Sici Choł», piša Baza.
1) Nasrydzinaŭ Machmadrasuł — 37 hadoŭ
2) Ismanaŭ Ryvažydzin — 51 hod
3) Safołzada Šochindžon — 21 hod
4) Nazaraŭ Rustam — 29 hadoŭ.
Usie jany — hramadzianie Tadžykistana. Jany byli zarehistravany ŭ Jarasłaŭskaj, Ivanaŭskaj i Samarskaj abłaściach. Chto ź ich zatrymany — pakul nieviadoma. Čaćviarych inšych zaraz šukajuć.
Mierkavanyja złačyncy mohuć mieć pry sabie zbroju i vybuchovyja rečyvy. Pry zatrymańni supracoŭnikam palicyi zahadana vykonvać miery asabistaj biaśpieki. Na pošuki padazravanych aryjentavany ŭvieś asabisty skład.
Kamientary
Dać zabić pad sotniu hramadzian svajoj krainy, kab stvaryć pieradumovy pad što? Pad mabilizacyju? Spynić pastaŭki zbroi?
Što?
Ukraincam vytrymki. Budziem padtrymlivać, danacić i vieryć u Vašuju pieramohu. Bo mienavita jana ŭ našych nacyjanalnych intaresach.
Słava Ukrainie! Žyvie Biełaruś!