U niadzielu, 14 lipienia, na vodach vyratavali 16 čałaviek, ź jakich šeść niepaŭnaletnich. Siarod patanułych — 19 darosłych i adno dzicia, paviedamlaje «Sputnik» sa spasyłkaj na Tavarystva vyratavańnia na vodach (Asvod).
Pa źviestkach ratavalnikaŭ, asnoŭnaj pryčynaj utapleńniaŭ letam źjaŭlajucca kupańnie ŭ niećviarozym stanie, nievykanańnie praviłaŭ pavodzin na vadzie, a taksama bieskłapotnaść darosłych, jakija adpuskajuć dziaciej biez nahladu płavać u vadajomach.
Jašče adnoj pryčynaj stanovicca kupańnie na stychijnych plažach.
Pa ŭsioj krainie abstalavany dziasiatki plažaŭ, na jakich aficyjna dazvolena kupacca, tolki ŭ stalicy ich naličvajecca 25.
U MNS padkreślivajuć, što dla praduchileńnia trahiedyj na vadajomach nieabchodna vykonvać praviły biaśpieki: kupacca tolki ŭ śpiecyjalna adviedzienych miescach, nie płavać na matracach, kamierach i inšych padručnych srodkach, nie nyrać u nieznajomych miescach, pry adpačynku la vadajomaŭ nie ŭžyvać ałkahol.
Kamientary