Žyvahłod adpracoŭvaje hrant na "vybary". Inšaha tłumačeńnia dziejnaść "čiestnych ludiej" va hłavie ź Jelenoj Živohłod u mianie niama.
Łukašenkiny "vybary" nie źjaŭlajucca palitykaj.
Praŭdu pra łukašenkin fars viedajuć usie daŭnym-daŭno. A z 2020ha dyk dakładna usie pahałoŭna viedajuć.

Vidavočna, što pasiŭny bajkot - heta najlepšaja dla režyma i najhoršaja dla lubych źmienaŭ taktyka. Bo jana zabiaśpiečvaje maksimalny kamfort i spakoj dla režyma, a prapahandysckuju karcinku "lehitymacyi" zaŭsiody stvorać prapahanda, finansava zaležnyja ad režyma płasty nasielnictva i h.z. "mižnarodnyja naziralniki" ad inšych dyktatarskich režymaŭ dy marhinalnyja zachodnija palityki.

Lepšym varyjantam zaŭsiody źjaŭlajecca niejkaje kalektyŭnaje alternatyŭnaje dziejańnie. U vypadku z "adzinym dniom pryznačeńnia" heta mahli b być vybary ŭ Kaardynacyjnuju Radu, ale dziejny skład Rady na čale ź Jahoravym pravaliŭ hetuju mahčymaść. Bo łyžka patrebnaja da abiedu, a nie praz 2 miesiacy.

Treba iści. I chaj matyvacyja ad "sumlennych ludziej" vyhladaje nadta ścipła i nievyrazna. I chaj niama navat dobraha hasła. Ale navat u hetaj situacyi varta ŭzhadać słovy spadara Knyroviča:
- Ja zaŭsiody vydatna razumieŭ, što nijakich vybaraŭ niama. Ale ja zaŭsiody chadziŭ na "vybary". Prynamsi dziela taho, kab na kroplu ŭskładnić spravu tym, chto budzie falsifikavać hetyja vybary.

Kali ludzi pryjduć - heta moža stvaryć niepryjemnyja niečakanaści dla režymu. Jak niečakanaściu i mocnaj traŭmaj dla łukašenki stali 17.08.2020 vokličy "Uchodi!" naŭprost ŭ jahony tvar ad procoŭnych MZKT. Jak niečakanaściu dla Čaŭšesku staŭ jahony apošni mitinyh 21.12.1989.

Kali nichto nia vyjdzie - ničoha nie adbudziecca dakładna.