Stała viadoma, kolki zarablajuć Iryna Akułovič i inšyja kiraŭniki BiełTA
«Kibierpartyzany» ŭzłamali nie tolki sajt BiełTA, ale i bazu ahienctva, adkul daviedalisia pra zarobki ŭ hetaj prapahandysckaj struktury. Svaimi danymi jany padzialilisia z «Biełsatam».
«Kibierpartyzany» pierad Novym hodam uzłamali sajt BiełTA i miž inšaha spampavali źviestki pra štat ahienctva, zarobki, premii i hanarary kožnaha pracaŭnika.
Jak śćviardžajecca, u namieśnika kiraŭnika adździeła BiełTA Jaŭhiena Vańšyna maksimalny zarobak za miesiac u minułym hodzie skłaŭ 8864 rubli. Jaho adździeł aśviatlaje dziejnaść Łukašenki.
Jak raspaviała adna z byłych supracoŭnic BiełTA, Vańšyn źjaŭlajecca videaapierataram i katajecca z Łukašenkam paŭsiul. Teksty, što publikuje pres-słužba Łukašenki, heta teksty BiełTA. Mahčyma, videa, taksama.
![Jaŭhien Vańšyn (źleva) i Uładzimir Maćviejeŭ Jevhienij Vanšin (śleva) i Vładimir Matviejev Yevhen Vanshin (left) and Uladzimir Matveev](http://nnexpictures.fra1.digitaloceanspaces.com/img/w732d4webp1/photos/z_2024_01/blagodarnost1-fsp4n.jpg.webp)
U takuju ž łohiku ŭpisvajecca i kiraŭnik taho ž adździeła Uładzimir Maćviejeŭ, u jakoha maksimalny naličany zarobak letaś skłaŭ 7928 rubloŭ.
![Iryna Akułovič Irina Akułovič Irina Akulovich](http://nnexpictures.fra1.digitaloceanspaces.com/img/w732d4webp1/photos/z_2024_01/pomofny0zk2bm5yy-7oa3x.jpg.webp)
Padobny maksimalny zarobak i ŭ hienieralnaj dyrektarki BiełTA Iryny Akułovič — 7439 rubloŭ.
![Andrej Varapaj Andriej Voropaj Andrey Voropai](http://nnexpictures.fra1.digitaloceanspaces.com/img/w732d4webp1/photos/z_2024_01/-21ds3.jpg.webp)
Adzin ź viadučych prajekta «U temie» Andrej Varapaj, jaki prynižaje dziejačaŭ biełaruskaj apazicyi, šukaje idealny filtr dla destruktyŭnaha kantentu ŭ siecivie, vinavacić Kijeŭ u teraktach, na svajoj analitycy letaś atrymaŭ maksimalny miesiačny zarobak u 5434 rubli.
![Alena Kryłova Jelena Kryłova Elena Krylova](http://d3kcf2pe5t7rrb.cloudfront.net/img/w732d4webp1/photos/z_2024_01/-wi7th.jpg.webp)
Padobny zarobak u Aleny Kryłovaj — hałoŭnaj redaktarki haziety «7 dniej». A voś u šarahovych žurnalistaŭ BiełTA zarobak składaŭ u minułym hodzie kala 2 tysiač rubloŭ.
Žurnalisty źviartajuć uvahu, što źviestki pryvodzilisia pa miesiacach, u jakich nie vypłačvalisia hrošy na vakacyi.
Čytajcie jašče:
Kolki zarablaje Mikita Miełkazioraŭ
Saładucha pachvaliŭsia, što za hod zarablaje 100—150 tysiač dalaraŭ
«20 straŭ — i ja ŭžo ŭ plusie!» Kolki zarablaje kuchar na fud-traku z vaśminoham?
Jak pracuje i kolki zarablaje biełaruskaja doktarka ŭ Čechii
Kamientary