Palicyja paviedamiła, što Alaksiej Buhajoŭ atrymaŭ narkatyčnyja rečyvy z dapamohaj znojdzienaj na vulicy zakładki.
42-hadovaha byłoha futbalista Alaksieja Buhajeva zatrymali ŭ Krasnadary, dzie vyjavili pry im kala 495 hram miefiedronu, paviedamlaje telehram-kanał Mash.
Palicyja ŭstanaviła, što Alaksiej Buhajoŭ atrymaŭ narkatyčnyja rečyvy z dapamohaj znojdzienaj na vulicy zakładki. Na Alaksieja zaviedzienaja kryminalnaja sprava ab zamachu na zbyt u asabliva bujnym pamiery.
Pry zatrymańni Buhajoŭ akazaŭ supraciŭ palicyjantam, za što atrymaŭ siem sutak źniavoleńnia ŭ SIZA za niepadparadkavańnie.
Futbalist źjaŭlajecca vychavancam maskoŭskaha «Tarpieda». Taksama jon vystupaŭ za «Toḿ», «Łakamatyŭ», «Chimki» i «Krasnadar», paśla čaho zaviaršyŭ karjeru ŭ 2010 hodzie. U 2004-2005 hadach hulec pravioŭ siem matčaŭ za zbornuju Rasii.
Paśla zaviaršeńnia karjery asieŭ u Krasnadary, dzie vypivaŭ i źbiraŭ makułaturu, dadaje Mash.
Baćka Alaksieja Ivan Buhajoŭ paćvierdziŭ Championat.com, što jaho syn zatrymany ŭ Krasnadary.
«Jość takaja sprava, tak. Zatrymany za niepadparadkavańnie na dadzieny momant. Suviazi ź im ciapier niama. Alaksiejeva žonka mnie patelefanavała. Užo robim peŭnyja dziejańni. A što ŭ telehram-kanałach pišuć? 500 hram narkotykaŭ? Kali vy ŭ kursie, zaraz u Krasnadarskim krai pravodziacca mierapryjemstvy. U dvuch słovach — jon trapiŭ pad razdaču. U sutnaści, nievinavaty. Apynuŭsia nie ŭ toj čas nie ŭ tym miescy», — skazaŭ Ivan Buhajoŭ.
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?10
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1616
Kamientary