Hramadstva3131

Doktar Maryjarci biełaruskaj estrady. Vy nie pavierycie, chto piša patryjatyčnyja pieśni dla dziaržTB i karparatyvaŭ siłavikoŭ

Zahadkavaja Hanna Siałuk pryśviačaje pieśni Łukašenku i piša dla MUS i prakuratury. Sama jana publična nidzie nie źjaŭlałasia, a ŭ sacsietkach nie pakidaje fota. Adnak paru detalaŭ vydali, chto nasamreč staić za hetym imiem. Siarhiej Čały ŭ navinach na kanale Biełaruskaha rasśledavalnickaha centra raskazvaje, jak raskryŭ asobu Siałuk.

Skryn prahramy «Naviny z Čałym»

Pieśniu «Spasi i sochrani» Siarhiej Čały pačuŭ jašče letam. Tady jana zrabiła na jaho ŭražańnie niezvyčajna tonkim dla biełaruskaj prapahandy miesiedžam.

«Hospodi, spasi i sochrani vsiakoho ušiedšieho iz doma, siły daj i ruku protiani na pustoj dorohie nieznakomoj» — takija radki pieśni. 

«Mała taho, što jana zamaskiravanaja pad malitvu dy jašče i vykonvajecca archijerejskim choram Śviata-Duchava kafiedralnaha sabora horada Minska. Davoli niazvykła było čuć u adras źbiehłych, a pieśnia ž niesumnienna pra ich, niazvykłyja praklony, łajanki i pahrozy. Ja navat rasčuliŭsia, chacia, mahčyma, heta niešta asabistaje.

Dalej pačynajecca samaje cikavaje. Vyśvietliłasia, što aŭtarka słoŭ hetaj pieśni niezvyčajna pładavitaja, pryčym nastolki, što na dziaržaŭnych hała-kancertach vykonvajecca pa niekalki piesień na jaje vieršy», — kaža Siarhiej Čały. 

U žanry «karparatyŭ dla siłavikoŭ» joju napisany pieśni dla MUS, MNS, armii i navat himn prakuratury.

«Pry hetym pra čałavieka, jaki piša pieśni patryjatyčnaj nakiravanaści dla takich artystaŭ, jak Julija Bykava, Anatol Jarmolenka, Alena Łanskaja, Iryna Darafiejeva, Rusłan Alachno, Alaksandr Saładucha, Alaksandra Hajduk, Zinaida Furor, pra jaje viadoma złačynna mała, tolki imia — Hanna Siałuk.

Usie, chto ź joj pracuje, uvieś čas uspaminajuć pra jaje ŭ svaich intervju. Pry hetym u ŚMI niama ni videa, ni fota. Adzinaje jaje intervju skandalnamu resursu «Minskaja praŭda» prailustravana adzinokim mikrafonam na fonie zały», — raskazvaje Čały.

U instahramie Hanny Siałuk niama ni jaje fotazdymkaŭ, ni fota z artystami. 

«Paviedamlajecca, što pisać pieśni jana pačała ŭsiaho dva hady tamu. Za taki karotki termin zdoleła dabracca da samaj viaršyni alimpu prydvornych trubaduraŭ, takich, jak Jaŭhien Alejnik i Julija Bykava, jany ž hurt «Aŭra», jakim naležać takija pieśni, jak I love Belarus i, viadoma, «Lubimuju nie addajuć», — kaža Siarhiej Čały. 

Pry hetym ni ŭ kampazicyi, faktyčna pryśviečanaj žyćciu Łukašenki, ni ŭ kampazicyi, dzie vykarystanaja jaho cytata, u ludziej z «Aŭry», vidać, niama paŭnamoctvaŭ na vykarystańnie vobraza Łukašenki ŭ klipie.

«Paraŭnajcie z dvuma niadaŭnimi chitami Hanny Siałuk, — kaža Čały. — Ich vy sapraŭdy pavinny byli čuć. Pieršaja — «Ach, Alaksandr». U hetym vypadku jašče možna skazać, što heta nie aŭtaryzavany klip. Heta ŭsio ž trybjut Biełaruskaha sajuza žančyn. Ale druhi chit — «Bulba Dens» — užo sapraŭdy atrymlivaje aficyjny dazvoł na vykarystańnie chroniki z Alaksandram Łukašenkam.

«Ach, Alaksandr, lubaja ź im pojdzie ŭ ahoń i vadu». Maładaja śpiavačka pryśviaciła pieśniu Łukašenku

Sprava nie ŭ muzyčnych vartaściach ci niedachopach pieśni ci klipa. U im pa sutnaści niama ničoha, akramia ekspłuatacyi źnievažalnaha nacyjanalnaha stereatypu i pierajmańnia klipa hurta Fatboy Slim Push the Tempo.

Klip supravadžajecca masiravanaj kampanijaj pa jaho prasoŭvańni z vykarystańniem administracyjnaha resursu.

«Jaho pakazvajuć u kinateatrach pierad filmami. I, jak vy možacie ŭžo zdahadacca, ni na adnym takim mierapryjemstvie nie źjaŭlajecca zahadkavaja Hanna Siałuk, hetaki prafiesar Maryjarci biełaruskaha šou-biznesu», — kaža jon. 

U intervju «Minskaj praŭdzie» Hanna Siałuk paviedamlaje pra siabie, što pracuje ŭ jakaści aŭtarki ŭ składzie pradziusarskaj kampanii AAT «Muzyčnaja miedyjakampanija». Taja samaja, jakaja spradziusavała ŭvieś prajekt «Bulba Dens».

Pradziusary prajekta — dyrektar Andrej Huziel i namieśnik dyrektara Taćciana Kułakova.

«Tut ja zhadvaju, što pra hetuju Taćcianu Kułakovu ja niadaŭna čytaŭ u rasśledavańni BRC, jakoje było pryśviečana karupcyi vakoł BiełAZa. 

Nie ŭ apošniuju čarhu biznes i tvorčyja pośpiechi Kułakovaj tłumačacca tym, što jana źjaŭlajecca siastroj i pastajannaj spadarožnicaj u vandroŭkach Hanny Łukašenki, žonki Dźmitryja Łukašenki. 

U instahramie Taćciana Kułakova pisała: «Darahaja maja, niepubličnaja siastra. Ty supier-mieha talent, jaki stvaraje šedeŭry, tolki ty heta ad usich chavaješ z-za svajoj ścipłaści».

Čytajem adzinaje intervju Siałuk dalej: «Mnie 42 hady, aktyŭna pačała pisać pieśni ŭ 40 hadoŭ». Hanna Siarhiejeŭna Łukašenka naradziłasia ŭ 1980-m u Škłovie», — raskazvaje jon. 

Z taho ž jaje intervju: «Ja pryśviaciła pieśniu «Pomnitie» majmu dziadulu — Cechanskamu Viktaru Ivanaviču, jaki ŭ Vialikuju Ajčynnuju vajnu 17-hadovym chłopcam pajšoŭ vajavać». 

U «Śpisie vieteranaŭ» na rasijskim sajcie pobediteli.ru jość tolki adzin čałaviek z takim imiem. Jon 1927 hoda naradžeńnia. 

«Sumnievaŭ užo praktyčna nie zastavałasia. Narešcie, dziakujučy «Kibierpartyzanam» udałosia vyśvietlić, što Cechanski Viktar Ivanavič — dzied pa matčynaj linii Hanny Siarhiejeŭny Łukašenki — Hanny Siałuk.

Tut mahła b być vysnova pra toje, što ŭ novym kantekście hetyja pieśni zajhrajuć niejkimi inšymi sensami, ale ja chaču skazać pra inšaje. Čarhovy raz my pierakonvajemsia, što dla imitacyi padtrymki Alaksandra Łukašenki patrabujecca ŭdzieł ludziej z samaha blizkaha koła samoha Łukašenki», — padsumoŭvaje Siarhiej Čały.

Čytajcie taksama: 

Čały: Oj, niezdarma Łukašenka pavinšavaŭ ź jubilejem na svaim sajcie Piatra Piatroviča Prakapoviča

Čały daŭ pazityŭny prahnoz pierśpiektyvam Biełarusi

Čały patłumačyŭ, jakim čynam rassyplecca Usiebiełaruski narodny schod

Kamientary31

  • sčiotčik Hiejhiera
    24.12.2022
    Maładaja śpiavačka pryśviaciła pieśniu Łukašenku
    https://d3kcf2pe5t7rrb.cloudfront.net/306169

    Za dieńhi choť kuda... A s čiełom, u kotoroho 14 lardov v Emiratach choť čto....
    A traktoristy i kočiehary  na nich pracujuć...
  • J
    24.12.2022
    Čałyj Sierhiej mołodčina! Tak dieržať!
  • daviedka
    24.12.2022
    Niedielu nazad v połufinale muzykalnoho projekta "Źviozdnyj puť" na ONT upomianutyj zdieś kompozitor Jevhienij Olejnik obronił takuju frazu: «Riebiata, supier pieśnia! Valera, Anna... Anna, kak u nas iźviestno, čiełoviek nie publičnyj. Vot... No, mnie kažietsia, jej budiet prijatno usłyšať słova błahodarnosti». https://youtu.be/ceExL_Usqq0?t=7160

    Pri etom radi etoj publičnoj pochvały v adries mładšiej nieviestki Łukašienko pošli na prosto biesprieciedientnyj šah, sdvinuv na nieskolko minut efir itohovoho subbotnieho vypuska novostiej tielekanała ONT.

Šachiedy pačali adzin za adnym źbivacca z kursu i viartacca ŭ Biełaruś. Siońnia z-za bieśpiłotnika znoŭ padniali bajavuju avijacyju2

Šachiedy pačali adzin za adnym źbivacca z kursu i viartacca ŭ Biełaruś. Siońnia z-za bieśpiłotnika znoŭ padniali bajavuju avijacyju

Usie naviny →
Usie naviny

Biełaruski błohier u samy skvar pasprabavaŭ pasmažyć jajki prosta na asfalcie. Ci atrymałasia?3

Viačorka: Łukašenka abvieścić datu svaich vybaraŭ, tolki kali skončacca amierykanskija5

Pamior mastak Valeryj Čajka. Jon afarmlaŭ minskaje mietro

Zialenski pra zajavu Budanava pra nastup Rasii z poŭnačy: Jaho nie tak zrazumieli1

Ralf Šumachier ździejśniŭ kaminh-aŭt16

Jakimi buduć vybary 2025 hoda? Razvažajuć Viačorka, Łatuška i Šrajbman52

Jak vyhladaje čarha pa vadu ŭ Mazyry6

Jašče adna achviara ŭrahanu: u Śvietłahorsku dreva zabiła 90-hadovaha mužčynu

Ukraincaŭ spytali, ci pryjšoŭ čas pačynać pieramovy z Rasijaj — vyniki sacapytańnia1

bolš čytanych navin
bolš łajkanych navin

Šachiedy pačali adzin za adnym źbivacca z kursu i viartacca ŭ Biełaruś. Siońnia z-za bieśpiłotnika znoŭ padniali bajavuju avijacyju2

Šachiedy pačali adzin za adnym źbivacca z kursu i viartacca ŭ Biełaruś. Siońnia z-za bieśpiłotnika znoŭ padniali bajavuju avijacyju

Hałoŭnaje
Usie naviny →