U Minsku zatrymali 15-hadovaha zakładčyka. Jon «adpracavaŭ» usiaho try dni
Padletak byŭ zatrymany ŭ lesapałasie, dzie raźmiaściŭ u tajniku zakładku, u jakoj znachodziłasia bolš za try hramy miefiedronu.
Supracoŭniki narkakantrolu Frunzienskaha RUUS stalicy z dokazami złačynstva zatrymali 15-hadovaha navučenca staličnaha kaledža, paviedamlaje «Milicyja Minska».
Jon byŭ zatrymany ŭ lesapałasie, dzie raźmiaściŭ u tajniku zakładku, u jakoj znachodziłasia bolš za try hramy miefiedronu.
Padletku ŭ miesiendžary pastupiła prapanova ab padpracoŭcy ŭ jakaści zakładčyka. Patencyjny pracadaŭca abiacaŭ lohkija i chutkija hrošy. Chłopčyk pahadziŭsia i pa zadańni kuratara zabraŭ z tajnika partyju narkotyku, jakuju pavinien byŭ padzialić na bolš drobnyja dozy i raspaŭsiudzić. Jon adpracavaŭ tolki try dni.
Zaviedziena kryminalnaja sprava za niezakonny abarot narkotykaŭ z metaj zbytu (č. 3 art. 328 KK, sankcyja praduhledžvaje da 15 hadoŭ źniavoleńnia). Adkaznaść pa hetym artykule pačynajecca z 14 hadoŭ.
Milicyja źviartaje ŭvahu baćkoŭ, što darosłyja ŭ sacyjalnych sietkach aktyŭna ŭklučajuć padletkaŭ u raspaŭsiud narkotykaŭ, zavablivajučy «lohkim zarobkam».
«Źviartajcie ŭvahu na toje, čym u volny čas zajmajucca vašy dzieci, z kim jany majuć znosiny, u tym liku ŭ internecie», — padkreślivajuć u milicyi.
U Biełarusi pierad vybarami mohuć błakavać internet — jak da hetaha padrychtavacca, kab być na suviazi1
Kamientary
a ja pomniu, s kakimi dovolnymi licami biežała milicija v les uničtožať konoplu