U Minsku pabačyła śviet kniha Andreja Šuła-Siančeŭskaha, u jakoj upieršyniu nadrukavanyja słoŭniki Ivana Hryharoviča, Fiodara Šymkieviča i Alaksandra Stankieviča, układzienyja aŭtarami ŭ XIX stahodździ, paviedamlaje Bellit.info.
![](http://d3kcf2pe5t7rrb.cloudfront.net/img/w732d4webp1/photos/z_2023_09/376406645_323200230221149_4555510291209406955_n-1233x1536-1n2go.jpg.webp)
Jak tłumačyć aŭtar-układalnik Andrej Šuła-Siančeŭski, u vydańni źmieščany artykuł z archieahrafičnym analizam rukapisu, ustup da słoŭnika Ivana Hryharoviča i sam słoŭnik na litary A, B, V (tolki hetyja litary słoŭnika zachavalisia da siońnia).
Taksama tut ža apublikavanyja dadatki da słoŭnika (siarod jakich niezavieršany i niavydadzieny słoŭnik Alaksandra Stankieviča — 553 słovy) i asobny rukapis Zboru słovaŭ litoŭska-biełaruskaj havorki Fiodara Šymkieviča (2163 słovy). U knizie 416 staronak.
Kartki, materyjały i rukapisy byli dastupnyja daśledčykam u Biełaruskim dziaržaŭnym archivie-muziei litaratury i mastactva, ale nikoli nie vychodzili asobnym vydańniem.
Nakład knihi — 99 asobnikaŭ. Vydańnie budzie dastupnaje dla pakupnikoŭ «Akademknihi» ŭ Minsku.
Kamientary