Bajec PVK «Vahnier»: Pakul Pryhožyn sa svaich hrošaj utrymlivaje ŭ Biełarusi, ale nadoŭha nie chopić
Jaŭhien Pryhožyn finansuje isnavańnie PVK «Vahnier» za svoj košt. Pra heta ŭ intervju błohieru ź siryjskimi karaniami Abasu Džuma raspavioŭ najmit, jaki ciapier znachodzicca ŭ Centralna-Afrykanskaj Respublicy, piša Reform.by.
Bajevika nazvali kamandziram adnoj sa šturmavych hrup PVK «Vahnier». Jon udzielničaŭ u rasijska-ŭkrainskaj vajnie, braŭ Papasnuju i Bachmut. Paźniej padtrymaŭ miaciež i viarnuŭsia ŭ CAR, dzie znachodziŭsia da pryjezdu va Ukrainu.
Błohier spytaŭ jaho pra toje, kolki bajcoŭ PVK «Vahnier» ciapier u Biełarusi i kolki zastaniecca. Vahnieraviec adkazaŭ, što nie viedaje, ale paviedamiŭ, što pakul ich znachodžańnie ŭ Biełarusi apłačvaje Pryhožyn sa svaich hrošaj.
«Ja pakul nie viedaju. Usio zaležyć, viadoma, ad finansavańnia. Nakolki mnie viadoma, pakul dyrektar sa svaich utrymlivaje, ale papiaredziŭ, što nadoŭha nie chopić. Tamu ciapier prapracoŭvajem afrykanskija napramki. U tym liku ŭ CAR budziem pavialičvacca», — patłumačyŭ najmit.
Jon raspavioŭ, što Minabarony RF admaŭlała «Vahnieru» ŭ samalotach, kab dabiracca da Afryki, tamu «dyrektar kupiŭ svaje, i prablema vyrašyłasia».
Taksama Pryhožynu daviałosia pradać biznes na bazie PVK u Sudanie, kab raźličycca z bajevikami całkam.
«Mnie skazali, što dyrektar dla taho, kab z chłopcami całkam raźličycca, pradaŭ biznes na našaj byłoj bazie ŭ Sudanie. Viadoma, škada, kali tak. Bo tam u ich ciapier taki zamies idzie… Pakul my tam byli, usio było cicha», — adznačyŭ adzin z kamandziraŭ šturmavych hrup.
Nahadajem, što ŭ Biełaruś prybyło niekalki kałon vahnieraŭcaŭ, jakija ciapier pracujuć instruktarami biełaruskich vajskoŭcaŭ.
Najmity PVK «Vahnier» pryjechali da minskich dziaciej
«Tušonki źjeli bolš, čym za ŭsio žyćcio». U čatach svajakoŭ vahnieraŭcaŭ raschvalvajuć umovy, u jakich jany žyvuć u Biełarusi
Naradziŭsia va Ukrainie, byŭ drobnym čynoŭnikam, vajavaŭ u Afrycy. Raskrytaja asoba «Pijaniera», jaki ŭznačaliŭ «Vahnier» u Biełarusi
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?10
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1616
Kamientary