27 lipienia pačniecca sud nad byłym spartyŭnym dyrektaram salihorskaha «Šachciora»
Papiaredniaje śledstva pa rezanansnaj spravie ab damoŭnych matčach u biełaruskim futbole skončana, spravu pieradali ŭ sud. Adzinym abvinavačvanym pa hetaj spravie zastaŭsia były spartyŭny dyrektar salihorskaha kłuba «Šachcior» Uładzimir Niderhaus.
Uładzimir Niderhaus abvinavačvajecca pa č. 1 i č. 2 art. 253 KK Biełarusi («Podkup udzielnikaŭ i arhanizataraŭ spartyŭnych spabornictvaŭ abo vidoviščnych kamiercyjnych konkursaŭ»), pa jakich možna atrymać jak štraf, tak i da čatyroch hadoŭ pazbaŭleńnia voli.
Pasiadžeńni buduć prachodzić u sudzie Maskoŭskaha rajona Minska.
Uładzimir Niderhaus — kazachstanski i rasijski futbalist, napadajučy niamieckaha pachodžańnia. U minułym viadomy pa vystupleńniach za futbolny kłub «Rotar» (Vałhahrad), u jakim na praciahu piaci hadoŭ byŭ najlepšym bambardziram i lidaram kamandy. U 1990-ja hady jon navat zhulaŭ adzin matč za zbornuju Rasii i čatyry — za zbornuju Kazachstana, adkul jon rodam.
Paśla zaviaršeńnia prafiesijnaj hulniavoj karjery ŭ 2000 hodzie žyŭ u Hiermanii, taksama pracavaŭ u Rasii i Kazachstanie. Z 2021 hoda pa studzień 2023 hoda byŭ spartyŭnym dyrektaram salihorskaha «Šachciora».
Va Ukrainie zahinuła 24-hadovaja biełaruskaja dobraachvotnica Maryja Zajcava20
Kamientary