Strałok, spartoviec z rajcentra, prahramist. Daviedalisia bolš pra niekatorych abvinavačvanych u «teraktach»
U filmie dziaržTB pra «sietku SBU» prahučaŭ šerah novych imion abvinavačvanych u dyviersii ŭ Mačuliščach i «płanavanych vybuchach» u Hrodnie. Pra niekatorych ź ich udałosia daviedacca bolš detalaŭ.
Dźmitryj Mastavy
Mužčyna, pa źviestkach ź filma ANT, vioŭ strym z aeradroma ŭ Mačuliščach dla kamandy telehram-kanała «Biełaruski Hajun». Praz dva tydni jaho raskryli, a paśla aryštavali pry sprobie zabrać hrošy sa schovu, u jakim była dadatkovaja kamiera dla palapšeńnia tranślacyi, śćviardžaje prapahanda.
Dźmitryju Mastavomu 45 hadoŭ. Jon rodam ź Sienicy, vučyŭsia ŭ Politechničnym kaledžy ŭ Minsku, prafiesijny prahramist.
Spačatku mužčyna pracavaŭ u Centralnym navukova-daśledčym i prajektna-technałahičnym instytucie arhanizacyi i techniki kiravańnia, jaki zajmajecca prajektavańniem, raspracoŭkaj i ŭkaranieńniem aŭtamatyzavanych sistem dla orhanaŭ dziaržaŭnaha kiravańnia i pramysłovych pradpryjemstvaŭ. U 2002-m pierajšoŭ na pracu ŭ TDA «Intermiech», jakoje raspracoŭvaje srodki dla aŭtamatyzacyi techničnaj padrychtoŭki vytvorčaści.
Jaho zatrymalivali padčas pratestaŭ u kastryčniku 2020 hoda, i jon siadzieŭ «sutki». Nanova jaho zatrymali bolš za miesiac tamu. Ciapier jon u SIZA pa abvinavačańni ŭ «zdradzie dziaržavie» i «spryjańni ekstremisckaj dziejnaści».
Siamja Ściapurkaŭ
Viadoma, što minčuk Andrej Ściapurka — znajomy Vitala Jakucika, šukajučy jakoha pa ŭsioj Biełarusi, kašmaryli strałkoŭ. Jon nibyta znajšoŭ kvateru dla mierkavanaha vykanaŭcy dyviersii ŭ Mačuliščach Mikałaja Šviaca.
Andreju Ściapurku 33 hady. Mužčyna skončyŭ Radyjotechničny kaledž, a paśla Mižnarodny ŭniviersitet MITSO. Pracavaŭ inžynieram-prahramistam u paliklinicy, zborščykam kampjutaraŭ, apierataram EVM, pradaŭcom-kansultantam.
Viadoma, što jon zachaplajecca praktyčnaj stralboj, zajmaŭsia łaziertaham i inšymi vidami strałkovych hulniaŭ. Vidać, adtul jany i znajomyja ź Jakucikam. Nakolki viadoma, mužčyna zatrymany.
Zatrymanyja taksama baćki Ściapurki i jaho brat. Jahonaja maci, 52-hadovaja Inha Ściapurka, rodam z Homiela, žyła ŭ Minsku, maje IP.
Andrej, śćviardžajuć na dziaržTB, paprasiŭ jaje i baćku pašukać kvateru dla Mikałaja Šviaca. Chutčej za ŭsio, baćki nie viedali ničoha pra dyviersiju ŭ Mačuliščach. Ale i ich kinuli za kraty pa abvinavačańni pa artykule 289 «Akt teraryzmu».
Vadzim Pacenka
Hety chłopiec, pa lehiendzie KDB, musiŭ ździejśnić dyviersiju ŭ Hrodnie. Pra jaho taksama viadoma niašmat.
Chłopcu 22 hady, rodam jon sa Śvisłačy, haradka ŭ Hrodzienskaj vobłaści. Słužyŭ u vojsku, a paśla pierajechaŭ žyć u Hrodna.
Zajmaŭsia sportam, da prykładu, pradstaŭlaŭ rodny horad na junijorskim spartovym šmatborji.
Ciapier chłopiec zatrymany i źmieščany ŭ SIZA. Jaho abvinavačvajuć u padrychtoŭcy da akta teraryzmu.
«Naša Niva» — bastyjon biełaruščyny
PADTRYMAĆNa ANT vypuścili film pra «sietku SBU» ŭ Biełarusi
Kaho mienavita zatrymali ŭ vioscy Čarciaž? Heta siamiejnaja para, u ich dvoje dziaciej
Stała viadoma, chto taki Jakucik, pra jakoha pa ŭsioj Biełarusi dapytvali strałkoŭ, i ŭ čym jaho abvinavačvajuć
Kiroŭcu, zatrymanaha pa spravie ŭ Mačuliščach, pakazali na kadrach dopytu sa złamanaj skivicaj
Favarytka Łukašenki i Čyža — što pryniesła himnastcy Ksienii Sankovič blizkaść z palityčnymi elitami?6
Kamientary
ot mała do vielika, tožie součastniki rieprieśsij.
Eto nie kinotvorčiestvo.
Eto śvidietielstvo ich priestuplenij.