Ziuhanaŭ aburyŭsia, što Bajdena, «jaki spatykajecca», pakazvajuć pa TB časta, a pra Brežnieva maŭčać
Niaźmienny ciaham užo bolš za 30 hadoŭ lidar rasijskich kamunistaŭ Hienadź Ziuhanaŭ na sustrečy z premjeram Michaiłam Mišuścinym raptam vykazaŭ niečakanyja pretenzii ŭ adras rasijskich prapahandystaŭ.
78-hadovaha Ziuhanava pakryŭdziła, što ŭ niejkaj telepieradačy prapahandyst Dźmitryj Kisialoŭ, raskazvajučy pra abaronu Novarasijska ŭ časy Druhoj suśvietnaj vajny, ni słovam nie zhadaŭ Leanida Brežnieva, jaki ŭ toj čas tam vajavaŭ.
«Bajdena, jaki spatykajecca, kožny dzień pa 10 razoŭ pakazvajuć, a tyja, chto razam z Kasyhinym stvaryŭ rakietna-jadzierny parytet i ŭsio zrabiŭ dla taho, kab kraina siońnia mieła dobruju katomku za plačyma, bo enierhietyčny kompleks tady stvaraŭsia», na dumku Ziuhanava, zabytyja.
Taksama jon adznačyŭ jak pazityŭny fakt toje, što Brežnieŭ kiravaŭ savieckaj krainaj ažno 18 hadoŭ. Praŭda, prynamsi, tracinu hetaha terminu saviecki lidar byŭ u takim niepryhladnym stanie, što ŭ narodnaj pamiaci pra jaho mienavita hety aśpiekt zajmaje klučavoje miesca.
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?2
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1616
Kamientary