Cikaŭny,

nu chacia b tamu, što adrozna ad Vas, jon razumieje pra što havoryć. A jašče tamu, što jon byŭ adnym ź niešmatlikich analitykaŭ, chto dakładna pradkazaŭ hetuju vajnu zadoŭha da jejnaha pačatku, nia majučy sakretnych vyvieddadzienych, a karystajučysia vyklučna metadalohijaj sacyjalna-palityčnaha analizu.
Toje, što Zachad uskosna prykłaŭ ruku da hetaje vajny -- truizm. Nie abaviazkova być marksistam, kab bačyć jak Zachad hadami rabiŭ hešefty z Pucinam dy jahonymi zładziejskimi elitkami, spryjajučy pahłybleńniu majomasnaj prorvy pamiž imi i prostymi rasiejcami, rostu sfrustravanaści rasiejskaha hramadztva da taje stupieni, što jano zaraz biazropatna idzie na ŭboj i zabivać. I jak Zachad anichalery nie rabiŭ dla pakarańnia ahresara pačynajučy z 2014 hodu. Nu bo prybytki ŭłasnych kapitalistaŭ i dabrabyt biurhierstva važniejšyja ad žyćciaŭ niejkich tam ukraincaŭ. I zaraz šmat u čym hatovy na viartańnie da status-kvo.
I, darečy, ja nie pryhadaju, dzie heta i kali Judzin vypraŭdoŭvaŭ rasiejcaŭ. Dokazy albo vybačeńni?

nie taki jak jość,

Zachad nikoli ŭsurjoz nie cikaviŭsia intaresami Rasiei. Jon i nie pavinien byŭ, bo intaresy Rasiei pavinien adstojvać urad Rasiei. Ale Zachad mocna cikaviŭsia intaresami rasiejskaj zładziejskaj elitki z Pucinym na čale. Cikaviŭsia tamu, što heta dazvalała efektyŭna vyrašać ułasnyja prablemy, pieradusim z enerhanośbitami, ale nia tolki (rasiejskija kapitały, nieruchomaść, jachty, čełsi i h.d.)

U 2008 hodzie ŭ ich pavinna była zapalicca lampačka, u 2014 -- uklučycca syrena. Ale hetaha nia stałasia, tamu što ŭsio ich zadavalniała. Adkaznaść nia tolki na palitykach, ale i na vybarščykach, jakija pradali pryncypy svabody i demakratyi za čačavičnuju poliŭku spažyviectva. Tamu ja kažu pra adkaznaść Zachadu.

Ja nia baču ničoha zahannaha dla rasiejca ŭ tym, kab być patryjotam Rasiei. Hledziačy tolki što pad hetym majecca na ŭvazie. Nie zaŭvažyŭ ničoha kryminalnaha ŭ tym što kaža Judzin. Nakolki ja jaho zrazumieŭ, jon vykazvajecca, što raspad Rasiei paprostu małaimavierny. U pieršuju čarhu tamu, što ŭsie bajacca rasiejskaj jadziernaj zbroi. Vielmi strašna, kali jana ŭ rukach takoha, jak Pucin, ale jašče horš kali takich Pucinych budzie 50 ci 100.

Ciapier my ŭsie spačuvajem Ukrainie i vielmi chočam, kab jana navalała maskalam, a Rasieja źnikła z mapy. Realnaść u tym što 150 miljonaŭ nikudy nia padzienucca, a ŭkrainskija tanki nia pojduć na Maskvu (na Drazdy taksama nia pojduć). Rasieja zastaniecca, u toj ci inšaj kanfihuracyi. Vyjście ZSU na miežy 1991 hodu -- heta nie pieramoha, heta ŭsiaho tolki status quo ante bellum. Pieramohaj było b utajmavańnie ahresara i niedapuščeńnie recydyvaŭ u budučyni. Jak heta zrabić biez vajskovaj pieramohi nad Rasiejaj (jakaja zaraz niemahčymaja pa vyznačeńni) dumaju, ciapier nia viedaje nichto. Toje, što prynižeńnie biez daščentnaj pieramohi kontrpraduktyŭnaje, Zachad dobra viedaje z historyi Pieršaj suśvietnaj i jejnych nastupstvaŭ. Stratehija hvałtoŭnaha cyvilizavańnia niemahčymaja biez vajskovaj pieramohi i akupacyi. Koła zamknułasia. Moj prahnoz: Zachadu daviadziecca šukać z kim damaŭlacca ŭ ciapierašniaj Rasiei. Jany, miarkujučy pa ŭsim, užo i šukajuć.

Tamu raiŭ by mienš ślepa cytavać tezy ŭkrainskaj vajskovaj prapahandy (choć jana, biezumoŭna, ciapier nieabchodnaja i davoli paśpiachovaja), a hladzieć na navakolny śviet bolš ćviaroza. Paśla nia tak baluča.

nie taki jak eść,

Kali niama čaho zapiarečyć pa sutnaści, va ŭžytak iduć arhumenty ad hominem.

maple,

Rola navukoŭca i analityka palahaje nia ŭ tym, kab vyznačać "chto vinavaty", a ŭ tym, kab rastłumačyć čamu adbyvajecca toje, što adbyvajecca. I što moža adbycca dalej. Ryhora Judzina ź biaskoncaha šerahu raznastajnych śpikieraŭ vyłučaje toje, što jon byŭ badaj adzinym, chto pradkazaŭ hetuju vajnu zadoŭha da jejnaha pačatku. Pryčym, pradkazaŭ nie jak Baba Vanha, a z navukovym abhruntavańniem, vyznačajučy rolu i adkaznaść kožnaha značnaha aktara: poźnie- i postsavieckaj zładziejskaj elitki, nealiberalnych "huru", jakija šmat zrabili dziela atamizacyi rasiejskaha hramaztva, "dabradziejaŭ" z Zachadu, jakija ŭsialak paturali apetytam rasiejskaj ułady, nie zvažajučy na tryvožnyja znaki, jakija prajavilisia jašče pierad napadam na Hruziju. Tut uvohule nia jdziecca pra vinu ci adkaznaść, a pra toje što zrabić kab heta skončyłasia dy nie paŭtaryłasia.

Dla amataraŭ pakidacca vinoj jość biaskonca mnoha inšych resursaŭ.

nie taki jak jość,

Tam vyšej, R.Judzina nazyvajuć "marksistam". Jany majuć racyju, jon maje marsisckija pohlady i šyroka karystajecca marksistoŭstkaj metadalohijaj. Davoli paśpiachova: adrozna ad bolšaści "liberalnych" ekspertaŭ, jakija hod tamu sieli ŭ kalužu, jon zdoleŭ pradkazać vajnu zadoŭha da taho, jak byli addadzienyja fatalnyja zahady. Tamu jaho drukujuć i čytajuć, a nie tamu što "rasiejec" (ciapier pracuje ŭ Prynstanie) ci "liberał" (marksizm -- adnačasova dyjalektyčnaje raźvićcio i zapiarečańnie liberalnaj navuki ab hramadztvie).

Z Vašych vykazvańniaŭ vidać, što Vy zrazumieli niašmat z taho što tut napisana. Tamu spračacca z Vami niecikava. Byvajcie zdarovy, bieražycie siabie.