Ciapier u kamientach na «NN» možna stavić i smajliki. To karystajciesia!
Mnohija daŭno pra heta prasili, my zrabili heta.
Ciapier u kamientach na «NN» možna stavić i smajliki. To karystajciesia! Ale trymajciesia praviłaŭ kamientavańnia — jany žaleznyja i niaźmiennyja z 2019 hoda.
Praviły maderacyi zastajucca niaźmiennyja, jakimi byli i da 2020 hoda. Voś jany
My zakryli kamienty ŭvosień 2020 hoda, bo pradbačyli patencyjnyja prablemy dla kamientataraŭ. U 2022-m adnavili — ale ŭ inšym techničnym rašeńni.
Adnavili, bo adčuvajem u ludziej žadańnie vykazvacca. Va ŭmovach, kali mnohija nie mohuć dazvolić sabie adkryta vykazacca ŭ sacsietkach, jość patreba vykazvacca ananimna. Patrebnaja placoŭka, dzie ludzi mahli b havaryć nie tolki z kołam siabroŭ.
Adnavili my kamientavańnie tak, kab niemahčyma było adsačyć, chto kamientuje. Voś jak heta arhanizavana.
- Kali vy zachodzicie ź biełaruskaha aj-pi ci kali vy zachodzicie na lusterka «Našaj Nivy», forma dla kamientaryjaŭ vam prosta nie pakazvajecca, nie možacie vy i łajkać, možacie prosta čytać kamienty. Vy zmožacie pakinuć kamientaryj tolki zachodziačy ź Biełarusi praz VPN abo z-za miažy. Takim čynam, nichto nie zmoža, navat vypadkova, navat pa ŭłasnaj pamyłcy, apublikavać kamient ź biełaruskaha aj-pi.
- Imia karystalnika nie zachoŭvajecca, rehistracyja nie patrabujecca. Jak tolki vy pasłali kamient i vyjšli sa staronki z artykułam, forma aŭtamatyčna ačyščajecca. Heta moža mieć advarotnym bokam — časam, patencyjna — błytaninu ź nikami. Maderatar pastarajecca minimizavać takija vypadki.
- Dakładny čas publikacyi kamientaryjaŭ nie adlustroŭvajecca, kab kamientatara nie mahli vyličyć pa časie publikacyi.
- Akramia hetych, uklučanyja i inšyja miechanizmy randomnaj ananimizacyi, jakija robiać identyfikacyju kamientataraŭ niemahčymaj (nie budziem ich raskryvać).
Takim čynam, my vyklučajem mahčymaść deananimizacyi, navat kali vy prajavicie lehkadumnaść. Redakcyja taksama nie bačyć, chto kamientuje.
Ci možna ciapier pasyłać «Našaj Nivie» infarmacyju praz formu dla kamientaryjaŭ, a nie praz bot? Tak, heta biaśpiečna, ale vy praz formu nie možacie pasyłać foty i videa.
Premaderacyja zachoŭvajecca, kab adsiakać abrazy, brud i pravakataraŭ.
U TH kamientaŭ my nie adkryvajem, bo tam dabicca takoj «biaśpieki navat dla lehkadumnych» kamientataraŭ niemahčyma.
My pakul uvodzim kamientavańnie ŭ testavym režymie i nie biarom asobnaha čałavieka na prymańnie kamientaŭ — spačatku pabačym, kolki ich idzie i ci vartaja ŭvohule aŭčynka vyrabu. Tamu prabačcie, kali ŭ niejkija pieryjady sutak kamienty doŭha čakajuć premaderacyi. Acenim kolkaść i pamier kamientaŭ, tady vypracujem racyjanalnyja ałharytmy premaderacyi.
Za novuju mahčymaść kamientavać vializnaja padziaka biełaruskim prahramistam. Uvohule, uniosak biełaruskich ajcišnikaŭ u zachavańnie biełaruskaj prastory svabody i infarmacyi nieacennaja. Jany sapraŭdnyja hieroi našaha času.
My vaš hołas, dapamahajcie nam havaryć. Žyvie Biełaruś!
Kamientary