Maraviecki: Polšča hatovaja stvaryć kaalicyju dla pieradačy Ukrainie «Leapardaŭ» biez Hiermanii
Premjer-ministr Polščy Matevuš Maraviecki raskrytykavaŭ strymanuju pazicyju niamieckaha ŭrada pa pieradačy tankaŭ Leopard Ukrainie. Jon nie razumieje, što pavinna jašče adbycca, kab u Bierlinie «raspluščyli vočy i pačali dziejničać u adpaviednaści z patencyjałam Hiermanii».
Polšča dapuskaje stvareńnie kaalicyi z krainami, jakija hatovy dać Ukrainie tanki Leopard 2 biez udziełu Hiermanii, kali ŭrad Šolca tak i nie ŭzhodnić pieradaču hetaj zbroi. Pra heta ŭ intervju žurnalistam 22 studzienia raspavioŭ premjer Polščy Matevuš Maraviecki.
Maraviecki raskrytykavaŭ pavodziny Hiermanii na pasiadžeńni «Ramštajn-8», jakija, na jaho dumku, byli nieprymalnymi.
Kiraŭnik polskaha ŭrada nie razumieje, što pavinna jašče adbycca, kab u Bierlinie «raspluščyli vočy i pačali dziejničać u adpaviednaści z patencyjałam Hiermanii».
Maraviecki taksama adznačyŭ, što Hiermanija nie pavinna, prynamsi, źviazvać ruki inšym sajuźnikam, kali ŭžo sama nie choča hetaha rabić.
«Kali zhody Hiermanii na Leopard tak i nie budzie, to my budziem budavać mienšuju kaalicyju dziaržaŭ, hatovych padzialicca svaimi sučasnymi tankami z Ukrainaj. My nie budziem prosta nazirać, jak Ukraina ściakaje kryvioj», — zajaviŭ Maraviecki.
Jon padkreśliŭ, što Ukraina i Jeŭropa pieramohuć u hetaj vajnie — z Hiermanijaj ci bieź jaje:
«Ad Hiermanii zaležyć, ci choča jana dałučycca da misii i spynić rasijskaje varvarstva, ci vybiraje moŭčki nazirać i ŭvajści ŭ historyju jak tyja, chto byŭ na niapravilnym baku».
Pra toje, što zatrymka z tankami adbyvajecca tolki z-za pazicyi Hiermanii, zajaviŭ i viarchoŭny pradstaŭnik ES pa zamiežnych spravach i palitycy biaśpieki Žazep Barel:
«Heta palityčnaje rašeńnie, jakoje da hetaha času nie było pryniata ŭ asnoŭnym z-za niežadańnia Hiermanii.
Kali hetaja damoŭlenaść nie budzie dasiahnutaja, vajna budzie praciahvacca da nastupnaj viasny, kali Rasija, vierahodna, pasprabuje pačać novy nastup», — skazaŭ jon, padkreśliŭšy, što kiraŭnictva Jeŭrasajuza padtrymlivaje pieradaču tankaŭ.
Čytajcie taksama:
Der Spiegel: Hiermanija hatovaja pieradać Ukrainie tolki 19 samych starych «Leapardaŭ»
Ministr abarony Hiermanii anansavaŭ pajezdku va Ukrainu
Ministry krain Bałtyi zaklikali Niamieččynu nieadkładna pieradać Ukrainie tanki Leopard 2
Ukraina — sajuźnikam: Vyznačyciesia, ci hatovyja vykonvać abiacańni vajskovaj dapamohi
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?12
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1616
Kamientary