Kijeŭ pra vybuchi na aeradromie Enhiels: Kali rasijanie dumali, što nikoha ŭ hłybokim tyle vajna nie zakranie, to jany pamylalisia
Vybuchi na rasijskim vajskovym aeradromie Enhiels u Kijevie nazvali «nastupstvami rasijskaj ahresii suprać Ukrainy».
«Heta nastupstva taho, što Rasija tvoryć na našaj ziamli. Kali rasijanie dumali, što nikoha ŭ hłybokim tyle vajna nie zakranie, to jany pamylalisia», — zajaviŭ śpikier kamandavańnia pavietranych sił Uzbrojenych sił Ukrainy Juryj Ihnat.
Jon adznačyŭ, što daviedacca pra «realnyja nastupstvy vybuchaŭ» možna budzie tolki praź niekalki dzion, kali źjaviacca spadarožnikavyja zdymki aeradroma.
U noč na paniadziełak źjavilisia paviedamleńni vidavočcaŭ ab vybuchu (abo niekalkich vybuchach) pablizu aeradroma ŭ horadzie Enhielsie Sarataŭskaj vobłaści. U Enhielsie raźmieščana avijabaza VKS Rasii, dzie, pavodle adkrytych danych, bazujucca stratehičnyja bambardziroŭščyki dalokaj avijacyi Tu-160 i Tu-95MS.
U paniadziełak ranicaj Ministerstva abarony Rasii paviedamiła, što nad aeradromam byŭ źbity ŭkrainski bieśpiłotnik. Taksama viedamstva paviedamiła pra hibiel traich vajskoŭcaŭ, jak śćviardžajecca, «u vyniku padzieńnia abłomkaŭ».
Kamientary